ନ୍ୟୁୟର୍କ- ଶରୀର ପାଇଁ ପାଣିର ଆବଶ୍ୟକତା ରହିଛି । ହେଲେ ଏକା ଥରକେ କିମ୍ବା ଅଳ୍ପ ସମୟ ବ୍ୟବଧାନରେ ଅତ୍ୟଧିକ ପାଣି ପିଇଲେ ଏହା ଶରୀର ପାଇଁ କ୍ଷତିକାରକ ହୋଇଥାଏ ।। ୨୦ ମନିଟ୍ ବ୍ୟବଧାନରେ ୨ ଲିଟର ପାଣି ପିଇବାରୁ ଜଣେ ମହିଳାଙ୍କର ମୃତ୍ୟୁ ହୋଇଛି । ଆମେରିକାର ଇଣ୍ଡିଆନାରେ ରହୁଥିବା ୩୫ ବର୍ଷିୟ ଆଶେଲୀ ସମର୍ସ ୨୦ ମିନିଟ୍ ଭିତରେ ୨ ଲିଟର ପାଣି ପିଇ ଦେଇଥିଲେ । ଅତ୍ୟଧିକ ଗରମ ହେଉଥିବାରୁ ସେ ଅଧିକ ପାଣି ପିଇଥିଲେ ।
ଅତ୍ୟଧିକ ପାଣି ପିଇବାରୁ ଏହାର ପାର୍ଶ୍ୱପ୍ରତିକ୍ରିୟା ଦେଖା ଦେଇଥିଲା । ମହିଳାଙ୍କ ମୁଣ୍ଡ ବିନ୍ଧିଥିଲା । ପରେ ସେ ତାଙ୍କର ଗ୍ୟାରେଜ୍ ନିକଟରେ ବେହୋଶ୍ ହୋଇଯାଇଥିଲେ । ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଥିଲା ।
Indiana mom of two collapses and dies from drinking too much water https://t.co/Jf1FPOsezg pic.twitter.com/pQRk1UhYjn
— New York Post (@nypost) August 3, 2023
ଅଧିକ ପାଣି ପିଇବାରୁ ଓ୍ୱାଟର ଟିକ୍ସିସିଟି ବା ଜଳ ବିଷକ୍ରିୟା ଯୋଗୁଁ ତାଙ୍କର ମୃତ୍ୟୁ ହୋଇଥିବା ଡାକ୍ତର କହିଥିଲେ । ଓ୍ୱାଟର ଟକ୍ସିସିଟିରେ ମାଂସପେଶୀରେ ଦରଜ ବାନ୍ତି ଏବଂ ମୁଣ୍ଡ ବିନ୍ଧା ପରି ଲକ୍ଷଣ ଦେଖାଦେଇଥାଏ । ଏହାର ସାରା ବିଶ୍ୱରେ ଖୁବ୍କମ୍ ଦେଖାଯାଏ ବୋଲି ଡାକ୍ତର ବ୍ଲାକେ ଫୋରବର୍ଗ କହିଛନ୍ତି । ସେ ଟକ୍ସିକୋଲଜିଷ୍ଟ । ସମର୍ସଙ୍କ ହୃଦୟ, ଯକୃତ, କୀଡନୀ, ଫୁସ୍ଫୁସ୍ ଏବଂ ଅସ୍ଥି ମଜ୍ଜାକୁ ଅନ୍ୟ ଲୋକଙ୍କୁ ଦାନ କରାଯାଇଛି । ଏହା ଦ୍ୱାରା ଅନ୍ୟ ଲୋକଙ୍କର ଜୀବନ ରକ୍ଷା କରାଯାଇଛି ।
