ଧାମରା: ଧାମରା ଅଞ୍ଚଳରେ ବିଷାକ୍ତ ମଦ ପିଇ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ଧାମରା ଥାନା ଅର୍ନ୍ତଗତ ଦୋସିଙ୍ଗା ପଂଚାୟତର ଚିଆଣୀପାଇଠାରେ ବହୁ ଦିନ ହେବ ଦେଶୀ ମଦ ତିଆରି କରିବା ସହ ବିକ୍ରି କରି ଆସୁଥିବା ଜଣାଯାଇଛି। ଶୁକ୍ରବାର ସକାଳ ସମୟରେ ସେହି ଗ୍ରାମର ଶଙ୍କର ବିଷୋଇ(୪୦) ଦେଶୀ ମଦ ଦୋକାନରୁ ମଦ ପିଇ ସାରିବା ପରେ ଅସୁସ୍ଥ ଅନୁଭବ କରିଥିଳେ। ପରେ ଶଙ୍କରଙ୍କୁ ପରିବାର ଲୋକେ ଧାମରା ମେଡିକାଲକୁ ଆଣୁଥିବା ସମୟରେ ରାସ୍ତାରେ ତାଙ୍କର ମୃତ୍ୟୁ ଘଟିଥିଲା। ପରେ ଶବ ବ୍ୟବଛେଦ ପାଇଁ ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଯାଇଥିଲା। ତେବେ ପ୍ରଶାସନର ବିନା ଅନୁମତିରେ କିପରି ଏଠାରେ ଦେଶୀ ମଦ ତିଆରି ହେବା ସହ ବିକ୍ରି ଚାଲିଛି ତାହାର ବିଧିବଦ୍ଧ ତଦନ୍ତ ହେବା ସହ ସଂପୃକ୍ତ ମଦ ବେପାରୀକୁ ତୁରନ୍ତ ଗିରଫ କରିବାକୁ ସର୍ବସାଧାରଣରେ ଦାବୀ ହେଉଛି।
