ଗଜପତି : ଗଜପତି ଜିଲା କାଶୀନଗର ଦେଇ ପ୍ରବାହିତ ବଂଶଧାରା ନଦୀ ବିପଦ ସଙ୍କେତ ଛୁଇଁଛି । ଆଜି ସକାଳୁ ନଦୀର ଜଳସ୍ତର ଫୁଲିବାରେ ଲାଗିଛି। ତିନିଦିନ ଧରି ଗଜପତି ଜିଲା ସମେତ ଉପର ମୁଣ୍ଡରେ ଲଗାଣ ବର୍ଷା ଯୋଗୁଁ ବଂଶଧାରା ନଦୀରେ ଜଳସ୍ତର ବଢ଼ିଥିବା କୁହାଯାଇଛି । କାଶୀନାଗର ନିକଟରେ ବିପଦ ସଙ୍କେତ ୫୪.୬୦ ମିଟର ଥିବା ବେଳେ ବର୍ତ୍ତମାନ ୫୫.୧୦ ମିଟର ଜଳସ୍ତର ପ୍ରବାହିତ ହେଉଛି । ବଂଶଧାରାର ତଳମୁଣ୍ଡରେ ଥିବା ଗୋଟା ବ୍ୟାରେଜର ୧୭ଟି ଗେଟକୁ ଖୋଲି ଦିଆଯାଇଛି । ପ୍ରତି ସେକେଣ୍ଡରେ ଏହି ଡ୍ୟାମ ଭିତରକୁ ୪୨୩୬୦ କ୍ୟୁସେକ ପ୍ରବାହିତ ହେଉଥିବା ବେଳେ ୪୩୯୮୯ କ୍ୟୁସେକ ଜଳ ନିଷ୍କାସିତ ହେଉଛି । ଡ୍ୟାମର ତାଳମୁଣ୍ଡରେ ଥିବା ଲୋକଙ୍କୁ ୧ନଂ ବିପଦ ସାଇରେନ ଦେଇ ସଚେତନ କରାଯାଇଛି । ଗଜପତି ଜିଲାପାଳ ସ୍ମୃତିରଞ୍ଜନ ପ୍ରଧାନ କାଶୀନଗରରେ ପହଞ୍ଚି ସ୍ଥିତି ସମୀକ୍ଷା କରିଛନ୍ତି ।
Comments are closed.