ବେଙ୍ଗାଲୁରୁ: କର୍ଣ୍ଣାଟକ ରାଜ୍ୟପାଳ ଥୱରଚାନ୍ଦ ଗେହଲୋତ୍ଙ୍କୁ ନ ନେଇ ‘ଏୟାର ଏସିଆ’ର ହାଇଦରାଗାମୀ ବିମାନ ଉଡ଼ାଣ ଭରିବା ନେଇ ବିବାଦ ସୃଷ୍ଟି ହୋଇଛି। ରାଜ୍ୟପାଳ ଗୁରୁବାର ଅପରାହ୍ଣ ୨ଟା ୫ରେ କେମ୍ପେଗୌଡ଼ା ଆନ୍ତର୍ଜାତିକ ବିମାନ ବନ୍ଦରରୁ ଉକ୍ତ ବିମାନ ଧରିବାର ଥିଲା; କିନ୍ତୁ ସେ ଏଥିରେ ବିଫଳ ହୋଇଥିଲେ। ଏୟାର ଏସିଆ ପକ୍ଷରୁ ରାଜ୍ୟପାଳ ବିଳମ୍ବରେ ପହଞ୍ଚିଥିବା ଏବଂ ସେତେବେଳକୁ ବିମାନର ଦ୍ବାର ବନ୍ଦ ହୋଇସାରିଥିବା ଦର୍ଶାଯାଇଥିଲାବେଳେ ରାଜ୍ୟପାଳ ଧାର୍ଯ୍ୟ ସମୟର ୧୫ ମିନିଟ ପୂର୍ବରୁ ୧ଟା ୫୦ରେ ପହଞ୍ଚିଥିଲେ ବୋଲି ରାଜଭବନ ପକ୍ଷରୁ କୁହାଯାଇଛି। ରାଜ୍ୟପାଳଙ୍କୁ ଛାଡ଼ି ବିମାନ ପଳାଇବା ‘ପ୍ରୋଟୋକଲ’ର ଅବମାନନା ଏବଂ ଏ ନେଇ ବିମାନ ବନ୍ଦର କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରାଯାଇଥିବା ରାଜଭବନ ସୂତ୍ରରୁ ପ୍ରକାଶ। ଏୟାର ଏସିଆ ପକ୍ଷରୁ ଏହାର ତଦନ୍ତ ନିର୍ଦେଶ ଦିଆଯାଇଛି।
Popular Categories
Previous article
Next article