ଗଞ୍ଜାମ: ଗଞ୍ଜାମ ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଗତ ୨ନମ୍ବର ୱାର୍ଡର ମୁଖ୍ୟ ରାସ୍ତା ବର୍ତ୍ତମାନ ଶୋଚନୀୟ ହୋଇପଡ଼ିଛି। ରାସ୍ତାଟି ଟିକିଏ ବର୍ଷାରେ ପାଲଟୁଛି କୃତ୍ରିମ ପୋଖରୀ। ସେହି ରାସ୍ତାରେ ଦେଇ ସକ୍ଷହିବାସିନ୍ଦା, ସ୍କୁଲ କଲେଜ ଛାତ୍ରଛାତ୍ରୀ, ଯାତାୟାତ ପାଇଁ ନିର୍ଭର କରିଥାନ୍ତି। ବର୍ତମାନ ବର୍ଷା ଦିନ ଯୋଗୁ ଯାତାୟତ ବେଳେ ଲୋକମାନେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି।
ସହରାଞ୍ଚଳରେ ସରକାରଙ୍କ ପକ୍ଷରୁ ରାସ୍ତା ଘାଟ ନିର୍ମାଣ ପାଇଁ ଲକ୍ଷ୍ୟ ଧିକ ଟଙ୍କା ଖର୍ଚ୍ଚ ହେଉଥିବା ବେଳ ଏଠି ତାହାର ବ୍ୟତିକ୍ରମ ଦେଖିବାକୁ ମିଳିଛି। ନିର୍ବାଚିତ ପ୍ରତିନିଧିଙ୍କ ଦାୟିତ୍ୱହୀନତା ଏବଂ ପ୍ରଶାସନିକ ଅଧିକାରୀଙ୍କ ଅବହେଳା ଯୋଗୁଁ ଏହି ରାସ୍ତା କାର୍ଯ୍ୟ ଠିକ ଭାବେ ହେଉନି ବୋଲି ବୁଦ୍ଧିଜୀବୀ ମହଲରେ ଆଲୋଚନା ହୋଇଛି।
ସୂଚନାଯୋଗ୍ୟ ଯେ, ସେହି ରାସ୍ତା ଦେଇ ଗଞ୍ଜାମ ମହାବିଦ୍ୟାଳୟ,ସରସ୍ବତୀ ଶିଶୁ ବିଦ୍ୟା ମନ୍ଦିର, ଗ୍ରାମର ମା’ବୁଢ଼ୀ ଠାକୁରାଣୀ ମନ୍ଦିରକୁ ଯିବାକୁ ପଡିଥାଏ। ପ୍ରତେକ ଦିନ ଶତାଧିକ ଛାତ୍ରଛାତ୍ରୀ ତଥା ଗ୍ରାମବାସୀମାନେ ଯାଇଥାନ୍ତି। ବିଶେଷକରି ବର୍ଷାଦିନେ ବହୁତ ଅସୁବିଧାର ସମ୍ମୁଖୀନ ହେଇଥାନ୍ତି। ତେଣୁ ଏନଏସି କର୍ତ୍ତୃପକ୍ଷ ଏ ରାସ୍ତା ପ୍ରତି ଦୃଷ୍ଟି ଦେଇ ସମସ୍ୟାର ସମାଧାନ ନିମନ୍ତେ ସାଧାରଣରୁ ଦାବୀ ହେଉଛି।
Comments are closed.