ଆଠଗଡ: ମନ୍ଦିର ପୂଜା କରିବାକୁ ଯାଉଥିବା ସମୟରେ ବଜ୍ରପାତରେ ଜଣେ ପୂଜକଙ୍କ ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଛନ୍ତି। ମୃତକ ଜଣଙ୍କ ହେଲେ ଆଠଗଡ଼ ଥାନା ଅନ୍ତର୍ଗତ ସମସରପୁର ପଞ୍ଚାୟତର ନଡୁଆପଡା ଗ୍ରାମର ସୁବାସ ଚନ୍ଦ୍ର ରଣାଙ୍କ ପୁଅ ଭାସ୍କର ରଣା (୨୮)। ଘଟଣାରୁ ପ୍ରକାଶ ଯେ ଭାସ୍କର ଢେଙ୍କାନାଳ ସଦର ଥାନା ଅନ୍ତର୍ଗତ ମାଣିପୁର ପଞ୍ଚାୟତର ଜେନାସାହୁପାଟଣା ଗ୍ରାମରେ ରହି ଗ୍ରାମର ଆରାଧ୍ୟ ପ୍ରଭୁ ନୀଳକଣ୍ଠେଶ୍ବର ମନ୍ଦିରରେ ପୂଜାର୍ଚ୍ଚନା କରିଥାନ୍ତି। ପ୍ରତ୍ୟେକ ଦିନ ଭଳି ସୋମବାର ମନ୍ଦିର ପୂଜା କରିବାକୁ ସଂଧ୍ୟାରେ ଯାଉଥିବା ସମୟରେ ବଜ୍ରପାତ ଘଟିବାରୁ ମନ୍ଦିର ନିକଟରେ ସେ ଟଳି ପଡିଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ୧୦୮ ଆମ୍ବୁଲାନ୍ସ ସହାୟତାରେ ଆଠଗଡ଼ ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଚିକିତ୍ସା ଚାଲିଥିବା ସମୟରେ ତାଙ୍କର ମୃତ୍ୟୁ ଘଟିଥିବା ଡାକ୍ତର ସୂଚନା ଦେଇଛନ୍ତି।
Popular Categories
Previous article
Next article