ପାଟଣା: ଦୈନିକ ଖବରକାଗଜ ସମାଜରେ ‘ବାପା ମା ଚାଲିଗଲେ ୪ ଶିଶୁ ଅସହାୟ’ ଶୀର୍ଷକ ଖବର ପ୍ରକାଶ ପାଇବା ପରେ ଏହି ଖବରଟିକୁ ସାମାଜିକ କର୍ମୀ ଇଂ ବିନୋଦ ବିହାରୀ ନାଏକ ମୁଖ୍ୟମନ୍ତ୍ରୀଙ୍କ ଦପ୍ତର, ୫-ଟି ସଚିବ ଓ ଜିଲ୍ଲା ପ୍ରଶାସନକୁ ଟ୍ୱିଟ କରିଥିଲେ। ପାଟଣା ବିଡ଼ିଓ ଶିବଶଙ୍କର ମୁର୍ମୁଙ୍କ ନିର୍ଦ୍ଦେଶ କ୍ରମେ ଟାଙ୍ଗରପଡା ଗ୍ରାମ ରୋଜଗାର ସେବକ ସ୍ବଦେଶ କୁମାର ସାହୁ ଏହି ୪ ଅସହାୟ ଶିଶୁଙ୍କୁ ସ୍ଥାନୀୟ ସରପଞ୍ଚ ଅନିରୁଦ୍ଧ ନାଏକଙ୍କ ସହ ଭେଟିଛନ୍ତି। ଏହି ୪ ଶିଶୁଙ୍କ ମଧ୍ୟରୁ ପାଠ ପଢିବା ଯୋଗ୍ୟ ୩ ଶିଶୁଙ୍କୁ ଶୁଦ୍ଧିକ୍ରିୟା ପରେ ଆବାସିକ ବିଦ୍ୟାଳୟରେ ରଖାଯାଇ ପାଠ ପଢ଼ାଯିବ ବୋଲି ବିଡ଼ିଓ ଶ୍ରୀ ମୁର୍ମୁ କହିଛନ୍ତି। ହରିଶ୍ଚନ୍ଦ୍ର ଯୋଜନାରେ ଶୁଦ୍ଧି କ୍ରିୟା ପାଇଁ ୩ ହଜାର ଟଙ୍କା ସହ ପଡିକାର୍ଡ ଚାଉଳ ବାଦ ଅତିରିକ୍ତ ୨୦ କେଜି ଚାଉଳ ଦିଆଯାଇଛି। ସେହିପରି ଶିଶୁ ସୁରକ୍ଷା କମିଟି ପକ୍ଷରୁ ମଧ୍ୟ ନିୟମାନୁଯାୟୀ ଏହି ଶିଶୁ ମାନଙ୍କୁ ସହାୟତା ବ୍ୟବସ୍ଥା କରାଯିବ ବୋଲି କୁହାଯାଇଛି।
Popular Categories
Previous article
Next article