ରୋହିତ, ଯଶସ୍ବୀ ଓ କୋହଲିଙ୍କ ଚମତ୍କାର ବ୍ୟାଟିଂ : ଭାରତ ୨୮୮/୪
ଭାରତ-ୱେଷ୍ଟଇଣ୍ଡିଜ୍ ୧୦୦ତମ ଟେଷ୍ଟମ୍ୟାଚ୍
ପୋର୍ଟ ଅଫ୍ ସ୍ପେନ୍ : ଭାରତ ଓ ୱେଷ୍ଟଇଣ୍ଡିଜ୍ ମଧ୍ୟରେ ଐତିହାସିକ ୧୦୦ତମ ଟେଷ୍ଟମ୍ୟାଚ୍ ଗୁରବାର ଆରମ୍ଭ ହୋଇଛି। ତେବେ ସ୍ଥାନ ଓ ମ୍ୟାଚ୍ର ଗୁରୁତ୍ବ ବଦଳିଥିଲେ ମଧ୍ୟ କ୍ରିକେ୍ଟ ଦୃଷ୍ଟିକୋଣରୁ କୌଣସି ପରିବର୍ତ୍ତନ ଦେଖିବାକୁ ମିଳିନାହିଁ। ପ୍ରଥମ ଟେଷ୍ଟ ପରି ଏହି ଟେଷ୍ଟମ୍ୟାଚ୍ରେ ମଧ୍ୟ ଦୁଇ ଭାରତୀୟ ଓପ୍ନର ରୋହିତ ଶର୍ମା, ଯଶସ୍ବୀ ଜୟସୱାଲ ଓ ବିରାଟ କୋହଲି ସହଜରେ ୱେଷ୍ଟଇଣ୍ଡିଜ୍ ବୋଲିଂର ମୁକାବିଲା କରିଛନ୍ତି । ସ୍ପିନର ରାହ୍କିମ୍ କର୍ଣ୍ଣୱାଲଙ୍କ ସ୍ଥାନରେ ପେସ୍ ବୋଲର ସାନନ୍ ଗାବ୍ରିଏଲ୍ ଖେଳିଥିଲେ ହେଁ ଏହାର କୌଣସି ସୁଫଳ ଘରୋଇ ଦଳକୁ ମିଳିନାହିଁ। ପ୍ରଥମ ଦିନର ଖେଳ ଶେଷ ବେଳକୁ ଭାରତ ପ୍ରଥମ ଇନିଂସରେ ୪ ୱିକେଟ ହରାଇ ୨୮୮ ରନ୍ କରିପାରିଛି । ଫଳରେ ମ୍ୟାଚ୍ରେ ଭାରତ ବଡ଼ ସ୍କୋର୍କରିବା ନିଶ୍ଚିତ ହୋଇଯାଇଛି।
ଟସ୍ ଜିତି ୱେଷ୍ଟଇଣ୍ଡିଜ୍ ଫିଲ୍ଡିଂ ନେବା ପରେ ଭାରତୀୟ ଓପ୍ନିଂ ଯୋଡ଼ି ଦୁର୍ବଳ ଇଣ୍ଡିଜ୍ ଆକ୍ରମଣର ଫାଇଦା ଉଠାଇ ଭଲ ଗତିରେ ସ୍କୋର୍ କରିଥିଲେ। ପ୍ରଥମ ଟେଷ୍ଟରେ ଅଧିନାୟକ ରୋହିତ ଶର୍ମା ଓ ଯୁବ ବାମହାତି ଓପ୍ନର ଯଶସ୍ବୀ ଜୟସୱାଲ ୨୨୯ ରନ୍ର ଓପ୍ନିଂ ଭାଗିଦାରୀ କରିଥିଲେ। ଦୁହେଁ ଏହି ଟେଷ୍ଟରେ ସେମାନଙ୍କ ବ୍ୟାଟିଂ ଫର୍ମ ଅବ୍ୟାହତ ରଖିଥିଲେ। ଯଶସ୍ବୀ ଜୟସୱାଲ ଆକ୍ରମଣାତ୍ମକ ବ୍ୟାଟିଂ କରିଥିବା ବେଳେ ରୋହିତ ଜଗିରଖି ଖେଳିଥିଲେ। ଯଶସ୍ବୀ ୫୭ ଓ ରୋହିତ ୮୦ ରନ୍କରି ଆଉଟ ହୋଇଥିଲେ। ପରେ ଶୁବମନ ଗିଲ ୧୦ ଓ ରାହାଣେ ୮ ରନ କରି ଆଉଟ ହୋଇଥିଲେ। ପ୍ରଥମ ଦିନର ଖେଳ ଶେଷ ବେଳକୁ ବିରାଟ କୋହଲି ୮୭ ଓ ରବୀନ୍ଦ୍ର ଜାଡେଜା ୩୬ ରନ କରି ଅପରାଜିତ ଅଛନ୍ତି।
ପ୍ରଥମ ଟେଷ୍ଟକୁ ଇନିଂସ ଓ ୧୪୧ ରନ୍ରେ ଜିତି ୨ ମ୍ୟାଚ୍ର ଶୃଙ୍ଖଳାରେ ୧-୧ରେ ଆଗୁଆ ରହିଛି। ଗତ ୨୧ ବର୍ଷରେ ଭାରତ ବିପକ୍ଷରେ ୱେଷ୍ଟଇଣ୍ଡିଜ୍ କୌଣସି ଟେଷ୍ଟ ଶୃଙ୍ଖଳା କିମ୍ବା ଟେଷ୍ଟମ୍ୟାଚ୍ ଜିତି ପାରିନାହିଁ ।
Comments are closed.