ଫୁଲବାଣୀ : ଫୁଲବାଣୀ ଅବକାରୀ ମୋବାଇଲ ୟୁନିଟ ଆଜି ସକାଳେ ପାଟ୍ରୋଲିଂ କରୁଥିବା ବେଳେ ଫୁଲବାଣୀ ସଦର ଥାନା ଅନ୍ତର୍ଗତ ରାଣୀପଥର ଚେକ୍ ଗେଟ୍ ଗୋଟିଏ ଅଟକୁ ଅଟକାଇ ଯାଞ୍ଚ କରିଥିଲେ। ସେହି ଅଟୋ ରୁ୪୦କିଲୋ ଗଞ୍ଜେଇ ବାହାରି ଥିଲା। ଏହି ଘଟଣାରେ ୩ଜଣ ଯୁବକଙ୍କୁ ଫୁଲବାଣୀ ଅବକାରୀ ମୋବାଇଲ ୟୁନିଟ ଗିରଫ କରିଥିଲେ। ଉକ୍ତ ଯୁବକମାନେ ହେଲେ କନ୍ଧମାଳ ଜିଲା ଅନ୍ତର୍ଗତ ଗୋଛାପଡା ଥାନା ଅଞ୍ଚଳ ସଲାଗୁଡ଼ା ଗ୍ରାମର ମିଥୁନ ଦିଗାଲ (୨୩), ଗୋଛାପଡା ଥାନା ଅନ୍ତର୍ଗତ କମାପଦର ଗ୍ରାମର ସତ୍ୟ ନାରାୟଣ ବେହେରା (୨୨)ଏବଂ ସଦର ଥାନା ଅନ୍ତର୍ଗତ ଦଡ଼କି ଗ୍ରାମର ଅଟୋ ଡ୍ରାଇଭର ରାଜ କୁମାର ସାହୁ (୨୬ବର୍ଷ)।
ସୂଚନା ଅନୁସାରେ ଗଂଜେଇ ଚାଲାଣ ହେଉଥିବା ନେଇ କୌଣସି ସୂତ୍ରରୁ ଖବର ପାଇ ଫୁଲବାଣୀ ଅବକାରୀ ମୋବାଇଲ ୟୁନିଟର କର୍ମଚାରୀମାନେ ଆଜି ପାଟ୍ରୋଲିଂ କରୁଥିବା ବେଳେ ଫୁଲବାଣୀ ସଦର ଥାନା ଅନ୍ତର୍ଗତ ରାଣୀପଥର ଚେକ୍ ଗେଟରେ ଗୋଟିଏ ଅଟୋକୁ ସନ୍ଦେହରେ ଯାଞ୍ଚ କରିବାରୁ ତାଙ୍କ ନିକଟରୁ ୪୦କିଲୋ ଗଂଜେଇ ବାହାରି ଥିଲା ଏବଂ ଏହି ଅଟୋକୁ ଏସକର୍ଟ ଯୋଗଉ ଥିବା ଏକ ମୋଟର ସାଇକେଲକୁ ମଧ୍ୟ ଜବତ କରିଥିଲା ଅବକାରୀ ମୋବାଇଲ ୟୁନିଟ। ଏନେଇ ଫୁଲବାଣୀ ଅବକାରୀ ମୋବାଇଲ ୟୁନିଟ ପକ୍ଷରୁ ୭୪/୨୦୨୩/୨୪ ଏକ ମାମଲା ରୁଜ୍ଜୁ କରି ଗଞ୍ଜେଇ ଚାଲାଣ କାରୀ ମାନଙ୍କୁ କୋର୍ଟ ଚାଲାଣ କରିଛି। ଅବକାରୀ ମୋବାଇଲ ୟୁନିଟର ଓ ଆଇସି ଭବାନୀ ଶଙ୍କର ସେଠୀଙ୍କ ନେତୃତ୍ୱରେ ଆସିଷ୍ଟାଣ୍ଡ ସବଇନ୍ସପେକ୍ଟର ସୁଜିତ କୁମାର ମୁଦୁଲି, ଆସିଷ୍ଟାଣ୍ଡ ସବଇନ୍ସପେକ୍ଟର ପ୍ରଦୀପ କୁମାର ମଲ୍ଲିକ, ଅବକାରୀ କନେଷ୍ଟବଳ ସଦାଶିବ ରଣା, ସଚିନ ଗୁରୁ, ଏମ ସଞ୍ଜୀବ କୁମାର ଏବଂ ସଞ୍ଜୀବ କୁମାର ଭୋକ୍ତା ଏହି ପାଟ୍ରୋଲିଂ କରିଥିଲେ।
