ନ୍ୟୁୟର୍କ- ଏବେ ମଙ୍ଗଳ ଗ୍ରହରେ ନାସାର ପର୍ସବିରନ୍ସ ରୋଭର କାର୍ଯ୍ୟରତ । ନାସାର ବୈଜ୍ଞାନିକମାନଙ୍କୁ ଏହା ପ୍ରତିଦିନ ନୂଆ ନୂଆ ତଥ୍ୟ ପ୍ରଦାନ କରୁଛି । ଏହାର ଛ’ଟି ଚକ ଥିବା ରୋବଟିକ୍ ରୋଭର ମଙ୍ଗଳ ପୃଷ୍ଟରେ ଭ୍ରମଣ କରିବା ସହ ବିଭିନ୍ନ ବୈଜ୍ଞାନିକ ତଥ୍ୟ ସଂଗ୍ରହ କରୁଛି । ଏବେ ଏହି ରୋଭର ମଙ୍ଗଳପୃଷ୍ଟରେ ଥିବା ଏକ ପୁରାତନ ନଦୀ ପୃଷ୍ଟରୁ ବିଭିନ୍ନ ପଥରର ନମୁନା ସଂଗ୍ରହ କରିଛି ।
ନାସା ପକ୍ଷରୁ ଏହି ତଥ୍ୟ ପ୍ରଦାନ କରାଯାଇଛି । ଏକ ୪୦ ମିଟର ଲମ୍ବ ବା ଯାହା ୧୪୦ ଫୁଟ୍ ସେଥିରୁ ଏହା ପଥରର ନମୁନା ସଂଗ୍ରହ କରିଛି । ପର୍ସବିରନ୍ସ ରୋଭରର ବାହୁରେ ଥିବା ଡ୍ରିଲ୍ ମେସିନ୍ରେ ଏହା ପଥରରେ ଛିଦ୍ର କରି ସେଥିରୁ ନମୁନା ସଂଗ୍ରହ କରିଥିବା କଥା ନାସାର ବୈଜ୍ଞାନିକ କେନ୍ ଫାର୍ଲେ କହିଛନ୍ତି । ନାସା, ୟୁରୋପୀୟ ମହାକାଶ ସଂସ୍ଥା ସହ ମିଳିତ ଏହି ମିସନ୍ରେ କାର୍ଯ୍ୟକରୁଛି । ମାର୍ସ ସାମ୍ପଲ୍ ରିଟର୍ନ ମିସନ୍ ଏକ ବ୍ୟୟ ବହୁଳ ଯୋଜନା । ଏହା ୨୦୨୮ ପର୍ଯ୍ୟନ୍ତ କାର୍ଯ୍ୟ କରିବ ।
ଏହି ସବୁ ପଥର ସାମ୍ପୁଲ୍ ଦିନେ ପୃଥିବୀ ପୃଷ୍ଟକୁ ଅଣାଯିବ ପାଇଁ ଯୋଜନା କରାଯାଇଛି ।
