ତିରୁପତି: ବାଲେଶ୍ବର ବାହାନଗା ରେଳ ଦୁର୍ଘଟଣାର ଭୟାବହତା ମନରୁ ଲିଭିନଥିବା ବେଳେ ତା’ପରଠାରୁ କ୍ରମାଗତ ଭାବେ ଗୋଟିଏ ପରେ ଗୋଟିଏ ଛୋଟ ବଡ଼ ରେଳ ଦୁର୍ଘଟଣା ଖବର ସାମ୍ନାକୁ ଆସୁଛି। ବୁଧବାର ପୁଣି ଏକ ରେଳ ଦୁର୍ଘଟଣା ଘଟିଥିବା ଜଣାପଡ଼ିଛି। କେରଳରେ ଏକ ଟ୍ରେନ୍ ଲାଇନଚ୍ୟୁତ ହୋଇଛି। ସୂଚନା ମୁତାବକ, ତିରୁପତି-ତିରୁଅନନ୍ତପୁରମ୍ ଟ୍ରେନ୍ ଏହାର ଶେଷ ରହଣିସ୍ଥଳ ତିରୁପତି ରେଳ ଷ୍ଟେସନରେ ଲାଇନଚ୍ୟୁତ ହୋଇଛି। ଦୁର୍ଘଟଣା ସହ ଜଡ଼ିତ ଏକ ଭିଡିଓ ମଧ୍ୟ ସାମ୍ନାକୁ ଆସିଛି।
ପୁଣି ରେଳ ଦୁର୍ଘଟଣା: ତିରୁପତି-ତିରୁଅନନ୍ତପୁରମ୍ ଟ୍ରେନ୍ ଲାଇନଚ୍ୟୁତ pic.twitter.com/RDBMsfQvSv
— Samaja Live (@samajalive) July 19, 2023
- Advertisement -
ଲାଇନଚ୍ୟୁତ ହୋଇଥିବା ବଗିରେ କୌଣସି ଯାତ୍ରୀ ନଥିବାରୁ ଏକ ବଡ଼ ଅଘଟଣ ଟଳିଯାଇଛି। ତେବେ ଏଥିରେ ମୃତାହତ ନେଇ କୌଣସି ସୂଚନା ନାହିଁ। ଏହି ଦୁର୍ଘଟଣା ଯୋଗୁ ଏକାଧିକ ଟ୍ରେନ୍ ବିଳମ୍ବରେ ଚାଲୁଛି। ପ୍ରଶାସନ ପକ୍ଷରୁ ଲାଇନଚ୍ୟୁତ ବଗିକୁ ହଟାଇବାକୁ ଚେଷ୍ଟା ଜାରି ରହିଛି।
