ଲଗାଣ ବର୍ଷାରେ ବେହାଲ ମାଲକାନଗିରି, ବୁଡିଲା ଏମ୍ ଭି ୩୭ ପୋଲ

ମାଲକାନଗିରି: ମାଲକାନଗିରି ଏମ୍ ଭି ୩୭ ପୋଲ ଉପରେ ୩ ଫୁଟ ଉଚ୍ଚରେ ବନ୍ୟା ଜଳ ପ୍ରବାହିତ ହେଉଥିବାରୁ ମାଲକାନଗିରି ଜିଲ୍ଲା ସଦର ମହକୁମାଠାରୁ ବାଲିମେଳା, ଚିତ୍ରକୋଣ୍ଡା ଯୋଗାଯୋଗ ବିଚ୍ଛିନ୍ନ ହୋଇଛି। ଗତ ତିନି ଦିନ ଧରି ମାଲକାନଗିରି ଜିଲ୍ଲାରେ ଲଗାଣ ବର୍ଷା ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଜିଲ୍ଲାର ପ୍ରାୟ ସବୁ ଅଂଚଳରେ ପରିସ୍ଥିତି ଗମ୍ଭୀର ରହିଥିବା ବେଳେ ବର୍ତ୍ତମାନ ଏମ୍ ଭି ୩୭ ପୋଲ ଉପରେ ପ୍ରାୟ ୩ ଫୁଟର ବର୍ଷା ଜଳ ପ୍ରବାହିତ ହେଉଛି। ଯାହାଫଳରେ ବାଲିମେଳା – ମାଲକାନଗିରି ଓ ଚିତ୍ରକୋଣ୍ଡା – ମାଲକାନଗିରି ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି।

ପରବର୍ତ୍ତୀ ସମ୍ବାଦ ପଢିବା ପାଇଁ ଏହି ଲିଙ୍କ କ୍ଲିକ କରନ୍ତୁ https://samajalive.in/odisha-news-1223/482885.html

୨୦୧୬ ମସିହାରୁ ଏମ୍ ଭି ୩୭ ନିକଟରେ ଏକ ପୋଲ ନିର୍ମାଣ କାର୍ୟ୍ୟ ଆରମ୍ଭ ହୋଇଥିଲେ ମଧ୍ୟ ତାହା ଶେଷ ଶେଷ ନ ହେବାରୁ ଏଭଳି ଚିତ୍ର ପ୍ରତି ବର୍ଷ ଦେଖିବାକୁ ମିଳୁଛି। ଅଂଚଳବାସୀଙ୍କ ଦ୍ୱାରା ବାରମ୍ବାର ଅଭିଯୋଗ କଲେ ମଧ୍ୟ କିଛି ସୁଫଳ ମିଳିପାରିନାହିଁ। ଏହା ସହ ବର୍ଷା କାରଣରୁ ମାଲକାନଗିରି ମୋଟୁ ୩୨୬ ଜାତୀୟ ରାଜପଥ ପୋତେରୁ, କାଙ୍ଗୁରୁ କୋଣ୍ଡା ପୋଲକୁ ପାଣି ଉଛୁଳା ମାରୁଛି।