ଭୁବନେଶ୍ୱର : ଶୁଶ୍ରୁତ ହସ୍ପିଟାଲ ଆଣ୍ଡ୍ ଟ୍ରମା କେୟାର ପ୍ରା.ଲିଃ ପକ୍ଷରୁ ଡ଼ାକ୍ତର ଦିବସ ଭୁବନେଶ୍ୱର କ୍ଲବ୍ରେ ପାଳିତ ହୋଇଯାଇଛି । ହସ୍ପିଟାଲ ପରିଚାଳନା ନିର୍ଦ୍ଦେଶକ ଡାକ୍ତର ଅକ୍ଷୟ କୁମାର ରାଉତଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ଭୁବନେଶ୍ୱର ମେୟର ସୁଲୋଚନା ଦାସ, ରାଜ୍ୟସଭା ସାଂସଦ ସୁଜିତ୍ କୁମାର ଏବଂ ସୁଲତା ଦେଓ ଅତିଥି ଭାବେ ଯୋଗଦେଇଥିଲେ।
ଏହି ଅବସରରେ ପାହାଳ ଠାରେ ଦୁର୍ଘଟଣାରେ ଜଣେ ଯୁବକଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିବା ଅଭିନେତା ସିଦ୍ଧାନ୍ତ ମହାପାତ୍ରଙ୍କୁ ତାଙ୍କ କାର୍ଯ୍ୟ ନିମନ୍ତେ ଅନୁଷ୍ଠାନ ତରଫରୁ ଡା.ଅକ୍ଷୟ କୁମାର ରାଉତ ଏବଂ ଡା. ସି ଆର୍ ଦାସ ‘ଗୋଲଡ଼େନ୍ ହିରୋ’ ସମ୍ମାନରେ ସମ୍ମାନିତ କରାଯାଇଥିଲା। ଏହାପରେ ଅତିଥିମାନଙ୍କ ଦ୍ୱାରା ‘ମେଡ଼ିକାଲ୍ ଟ୍ୟୁରିଜିମ୍’ ଉପରେ ଏକ ୱେବ୍ସାଇଟ୍ ଉନ୍ମୋଚିତ ହୋଇଥିଲା। କାର୍ଯ୍ୟକ୍ରମରେ ପଲି ଟ୍ରମା ପରିଚାଳନା ଶିର୍ଷକ ଉପରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା ଯେଉଁଥିରେ ହସ୍ପିଟାଲର ପରିଚାଳନା ନିର୍ଦ୍ଦେଶକ ଡା. ଅକ୍ଷୟ କୁମାର ରାଉତ, ହାଇଦ୍ରାବାଦ ଏଆଇଜି ହସ୍ପିଟାଲର ପରିଚାଳନା ନିର୍ଦ୍ଦେଶକ ଡା.ନିହାର ରଞ୍ଜନ ପ୍ରଧାନ ଓ କ୍ୟାପିଟାଲ ହସ୍ପିଟାଲର ଅର୍ଥୋପେଡ଼ିକ୍ ତଥା ବରିଷ୍ଠ ଚିକିତ୍ସିକ ଡ଼ାକ୍ତର କେ.ଆର ମହାପାତ୍ର ଅଂଶଗ୍ରହଣ କରିଥିଲେ।
ଏହି ଅବସରରେ ରୋଗୀ ସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ମନୋନୀତ ଡାକ୍ତରଙ୍କୁ ସମ୍ମାନିତ କରାଯାଇଥିଲା। ଶେଷରେ ଓଲିଉଡ କଣ୍ଠଶିଳ୍ପୀ ଅନିନ୍ଦିତା ଦାସ ସଂଗୀତ ପରିବେଷଣ କରାଯାଇଥିଲା। ହସ୍ପିଟାଲ ସିଇଓ ଡ଼ାକ୍ତର ଚିଦାତ୍ମିକା ଖଟୁଆ ଧନ୍ୟବାଦ ଅର୍ପଣ କରିଥିବା ବେଳେ ଉପସ୍ଥାପିକା ମୁନ୍ମୁନ୍ ସିଂ କାର୍ଯ୍ୟକ୍ରମ ସଂଯୋଜନା କରିଥିଲେ।
