ମୁମ୍ବଇ : କଳାତ୍ମକ ଚଳଚ୍ଚିତ୍ରକୁ ଅଧିକ ପ୍ରାଧାନ୍ୟ ଦେଉଥିବା ଅଭିନେତ୍ରୀ କାଲ୍କୀ କୋଚେନ୍ ଅନ୍ୟ ବିଚାରଭିତ୍ତିକ ଚଳଚ୍ଚିତ୍ରରେ ମଧ୍ୟ ଅଭିନୟ କରନ୍ତି। ଆଗାମୀ ଚଳଚ୍ଚିତ୍ର ‘ହାତୀ ମେରେ ସାଥି’ରେ ନିଜ ଚରିତ୍ରକୁ ନେଇ ସେ ଖୁବ୍ ଉତ୍ସାହିତ। ଏଥିରେ ତାଙ୍କ ସହ-କଳାକାର ଭାବେ ରାଣା ଡଗୁବତୀ ଦେଖାଦେବେ। କାଲ୍କୀ ଏଥିରେ ଜଣେ ସାମ୍ବାଦିକା ଭୂମିକାରେ ଅବତୀର୍ଣ୍ଣ। ଅଭିନୟ ପୂର୍ବରୁ ଦିଲ୍ଲୀ ଓ ମୁମ୍ବଇର ଅନେକ ସାମ୍ବାଦିକଙ୍କ ସହ କାଲ୍କୀ ବାର୍ତ୍ତାଳାପ କରିଥିଲେ। ଏଇ କାମ କେତେ ଚ୍ୟାଲେଞ୍ଜିଂ ତାହା ଅଭିନୟ କରିବା ପରେ ହିଁ ସେ ଜାଣିପାରିଥିଲେ। ଚଳଚ୍ଚିତ୍ରରେ ସେ ଜଣେ ଯୁବ ସାମ୍ବାଦିକା ଭୂମିକାରେ ଦେଖାଦେବାବେଳେ ନିଜ ସମ୍ପାଦକଙ୍କ ବିନା ଅନୁମତିରେ ଏକ ସତ୍ୟ ଘଟଣା ଖବରକାଗଜରେ ଉନ୍ମୋଚନ କରିବାକୁ ପଛାଇନାହାନ୍ତି। ମିଳିଥିବା ଖବର ଅନୁସାରେ, କାଲ୍କୀଙ୍କୁ ହଲିଉଡରୁ ମଧ୍ୟ ସୁଯୋଗ ଆସିଥିଲା କିନ୍ତୁ ସେ ହିନ୍ଦୀ ସିନେଜଗତରେ ହିଁ ନିଜ ସ୍ଥିତିକୁ ନେଇ ସନ୍ତୁଷ୍ଟ ଅଛନ୍ତି।
Popular Categories
Previous article
Next article