ଗୁରୁଡିଝାଟିଆ : ଓଡିଶା ଟ୍ରାଡିସନାଲ ସୋତୋକାନ କରାଟେ ଆସୋସିଏସନ ଦ୍ୱାରା ଆୟୋଜିତ ୯ମ ଓଡିଶା ଓପନ ଟିଏକେଏଫଆଇ କରାଟେ ଚମ୍ପିଆନସିପ୍-୨୦୨୩ ରେ ଗୁରୁଡିଝାଟିଆ ଥାନା ଅନ୍ତର୍ଗତ ଓରନ୍ଦା ଗ୍ରାମର ୨ ଭଉଣୀ ସଫଳତା ଅର୍ଜନ କରିଛନ୍ତି । କଟକ ଜବାହରଲାଲ ନେହେରୁ ଇନଡୋର ଷ୍ଟାଡିୟମରେ ଅନୁଷ୍ଠିତ ହୋଇଥିବା ଏହି ପ୍ରତିଯୋଗୀତାରେ ବଡଭଉଣୀ ଡିଏଭି ପବ୍ଲିକ ସ୍କୁଲର ୮ମ ଶ୍ରେଣୀ ଛାତ୍ରୀ ଲୋପାମୁଦ୍ରା ସାମଲ ଉଚ୍ଚବର୍ଗରେ କାତା ପ୍ରତିଯୋଗିତାରେ ରୌପ୍ୟ ଓ କୁମିତେରେ ବ୍ରୋଞ୍ଜ ପଦକ ହାସଲ କରିଥିବା ବେଳେ ସାନଭଉଣୀ ମେରୁପ୍ରଭା ସାମଲ ୧ମ ଶ୍ରେଣୀର ଛାତ୍ରୀ ପ୍ରାରମ୍ଭିକ ବର୍ଗରେ ଉଭୟ କାତା ଓ କୁମିତେ ପ୍ରତିଯୋଗିତାରେ ସ୍ୱର୍ଣ୍ଣ ପଦକ ହାସଲ କରି ଗୌରବ ଅର୍ଜନ କରିଛନ୍ତି । ଲୋପାମୁଦ୍ରା ଓ ମେରୁପ୍ରଭା ଓରନ୍ଦା ଗାଁର ମୁରବୀ ତଥା ରାଜ୍ୟ ସରକାରଙ୍କ ଅବସରପ୍ରାପ୍ତ ସର୍ବୋଚ୍ଚ ଯନ୍ତ୍ରୀ ପ୍ରତାପ ଚନ୍ଦ୍ର ସାମଲଙ୍କ ନାତୁଣୀ ଓ ଇନ୍ଦ୍ରଜିତ୍ ଦଳବେହେରା ଓ ସୁପ୍ରୀତି ସାମଲଙ୍କ କନ୍ୟା ଅଟନ୍ତି।
Comments are closed.