କାମାକ୍ଷାନଗର : ବିଶ୍ୱ ଯୋଗ ଦିବସ ୨୦୨୩ ଅବସରରେ ୧୨ ଓଡିଶା ବାଟାଲିୟନ ଏନ ସି ସି, ଢେଙ୍କାନାଳର ମାର୍ଗଦର୍ଶନରେ କାମାକ୍ଷାନଗର ସ୍ଥିତ ସାରଙ୍ଗଧର ଉଚ୍ଚ ବିଦ୍ୟାଳୟ ଠାରେ ଅନୁଷ୍ଠିତ କାର୍ୟ୍ୟକ୍ରମରେ ସାରଙ୍ଗଧର ଉଚ୍ଚ ବିଦ୍ୟାଳୟ,ପଂଚାୟତରାଜ ଉଚ୍ଚ ବିଦ୍ୟାଳୟ, କାନପୁରା, ସରସ୍ବତୀ ଶିଶୁ ବିଦ୍ୟା ମନ୍ଦିର, କାମାକ୍ଷାନଗରର ଶତାଧିକ ଏନ ସି ସି କ୍ୟାଡଟମାନଙ୍କ ଦ୍ୱାରା ବିଶ୍ୱ ଯୋଗ ଦିବସ ପାଳିତ ହୋଇ ଯାଇଛି । କାର୍ୟ୍ୟକ୍ରମର ପ୍ରାରମ୍ଭରେ କାମାକ୍ଷାନଗର ଉପକାରାଗାରର ସବଜେଲର ସନ୍ତୋଷ କୁମାର ଦୁର୍ଗ ପ୍ରଦୀପ ପ୍ରଜ୍ବଳନ କରି କାର୍ୟ୍ୟକ୍ରମର ଶୁଭାରମ୍ଭ କରି ଆମ ଜୀବନରେ ଯୋଗର ଭୂମିକା ଉପରେ ଆଲୋକପାତ କରିଥିଲେ ।
ଆର୍ଟ ଅଫ ଲିଭିଂର ଯୋଗଗୁରୁ ଶଙ୍କର୍ଷଣ ପଣ୍ଡା ଯୋଗ ପରିଚାଳନା କରିଥିବା ବେଳେ ବିଦ୍ୟାଳୟର ପ୍ରଧାନ ଶିକ୍ଷକ ଜଗବନ୍ଧୁ ଜେନା ଧନ୍ୟବାଦ ଅର୍ପଣ କରିଥିଲେ । ଏହି କାର୍ୟ୍ୟକ୍ରମର ପରିଚାଳନାରେ ଏନ ସି ସି ଅଧିକାରୀ ଧ୍ରୁବ ଚରଣ ସୁନ୍ଦର ରାୟ, ଦୁର୍ୟ୍ୟୋଧନ ସାହୁ, ଅଭିଷେକ ସାହୁ, ବିଦ୍ୟାଳୟର କ୍ରୀଡା ଶିକ୍ଷକ ପ୍ରତାପ କୁମାର ସାମନ୍ତ, କର୍ମଚାରୀ ଶ୍ରୀ ମନ୍ମଥ ନାୟକ ଓ ଶ୍ରୀ ଅଶୋକ କୁମାର ନାୟକ ସହାୟତା ପ୍ରଦାନ କରିଥିଲେ । ଆଜିର କାର୍ୟ୍ୟକ୍ରମରେ ସମ୍ମାନିତ ଅତିଥି ରୂପେ କାମାକ୍ଷାନଗର ବାର ଆସୋସିଏସନର ସଭାପତି ଧର୍ମାନନ୍ଦ ମଲ୍ଲିକ, ଶିଶୁମନ୍ଦିରର ପ୍ରଧାନଚାର୍ୟ୍ୟ ଗୌରଚନ୍ଦ୍ର ନନ୍ଦ ଯୋଗଦାନ କରିଥିଲେ ।
କାମାକ୍ଷାନଗରରେ ବିଶ୍ୱ ଯୋଗ ଦିବସ ପାଳିତ
Popular Categories
Previous article
Next article