ରେଙ୍ଗାଲିକ୍ୟାମ୍ପ : ଶୁକ୍ରବାର ଦିନ ସକାଳ ୬.୩୦ ଘଟିକାରେ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ବୁଗବୁଗା ଠାରେ ସି ଆର୍ ସି ସି ନନ୍ଦିଘୋଷ ଭୁଏଙ୍କ ଅଧ୍ୟକ୍ଷତାରେ ମୌଳିକ ସାକ୍ଷରତା ଓ ସଂଖ୍ୟାଜ୍ଞାନ ଉପରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ମୌଳିକ ସାକ୍ଷରତା ଓ ସଂଖ୍ୟାଜ୍ଞାନ ଉପରେ ବିଶେଷ ଆଲୋଚନା ସହ ତାର ଗୁରୁତ୍ଵ ଉପରେ ଆଲୋକପାତ କରାଯାଇଥିଲା । ଏଥିପାଇଁ ପିତା ମାତା, ଶିକ୍ଷକ, ଶିକ୍ଷୟିତ୍ରୀ ଓ ଗୋଷ୍ଠୀର ଭୂମିକା କ’ଣ ରହିଛି ତାହା ମଧ୍ୟ ଆଲୋଚନା ହୋଇଥିଲା । ଏଥିରେ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଜାମଟିକ୍ରାର ପ୍ରଧାନ ଶିକ୍ଷକ ସୁବାଷ ନାୟକ, ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଶଶୀ ଭୋଇ, କେନ୍ଦ୍ର ପଣ୍ଡିତ ବେଣୁଧର ପଧାନ ଯଥାକ୍ରମେ ପ୍ରାରମ୍ଭିକ ସ୍ତରରେ ପିଲାମାନଙ୍କୁ ଭାଷା ଶିକ୍ଷା, ଗଣିତ ଶିକ୍ଷା ଓ ଅକ୍ଷର ଶିକ୍ଷା ଉପରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମରେ ବୁଗବୁଗା କ୍ଲଷ୍ଟରର ବହୁ ସଂଖ୍ୟକ ଅଭିଭାବକ, ଶିକ୍ଷକ ,ଶିକ୍ଷୟିତ୍ରୀ ଯୋଗଦାନ କରିଥିଲେ ।
Popular Categories
Previous article
Next article