ନୂଆଦିଲ୍ଲୀ: ଦକ୍ଷିଣ ଭାରତୀୟ ସିନେଜଗତରୁ ଏକ ଦୁଃଖଦ ଘଟଣା ସାମ୍ନାକୁ ଆସିଛି। ସହକାରୀ ନିର୍ଦେଶକ ତଥା ଅଭିନେତା ସରନ ରାଜ୍ଙ୍କର ସଡ଼କ ଦୁର୍ଘଟଣାରେ ମୃତ୍ୟୁ ଘଟିଛି। ଗୁରୁବାର ରାତିରେ ଏକ କାର୍ ଦୁର୍ଘଟଣାରେ ତାଙ୍କର ମୃତ୍ୟୁ ଘଟିଛି। କୁହାଯାଉଛି ଯେ, ପଲାନିଅପ୍ପନ ନାମକ ଅନ୍ୟ ଜଣେ ସହକଳାକାର ସରନ ରାଜଙ୍କ ବାଇକକୁ କାରରେ ଧକ୍କା ଦେଇଥିଲେ। ଫଳରେ ସରନ ରାଜ୍ଙ୍କ ମୃତ୍ୟୁ ଘଟିଛି। ତେବେ ପଲାନିଅପ୍ପନଙ୍କୁ ପୁଲିସ ଗିରଫ କରିଥିବା ଜଣାପଡ଼ିଛି।
ସୂଚନା ଅନୁସାରେ, ପଲାନିଅପ୍ପନ ମଦ୍ୟପାନ କରି କାର ଚଳାଉଥିଲେ। ବୁଧବାର ରାତି ୧୧.୩୦ରେ ଏହି ଦୁର୍ଘଟଣା ଘଟିଛି। ୨୯ ବର୍ଷର ସରନ୍ ରାଜ ମଦୁରଭୋୟଲର ଧନଲକ୍ଷ୍ମୀ ଗଳିରେ ରହୁଥିଲେ। ସେ ରାତି ୧୧.୩୦ ସମୟରେ କେକେ ନଗରର ଆରକୋଟ ରୋଡରେ ବାଇକ ଯୋଗେ ଯାଉଥିବା ବେଳେ କାର ତାଙ୍କୁ ଧକ୍କା ଦେଇଥିଲା। ସ୍ଥାନୀୟ ଅଞ୍ଚଳର ଲୋକମାନେ ତୁରନ୍ତ ପୁଲିସକୁ ଏନେଇ ସୂଚନା ଦେଇଥିଲେ। ସୂଚନାଯୋଗ୍ୟ, ଧନୁଷଙ୍କ ଅଭିନୀତ
‘ଅସୁରନ୍’ ଏବଂ ‘ଭଡା ଚେନ୍ନାଇ’ ବ୍ୟତୀତ ଅନେକ ତାମିଲ ଚଳଚ୍ଚିତ୍ରରେ ସରନ ରାଜ୍ ଅଭିନୟ କରିଥିଲେ।
Comments are closed.