ଡେସ୍କ: ରାଜ୍ୟ ସରକାର ଆଜି ଓଡିଶା ପ୍ରଶାସନିକ ସେବା ଅଧିକାରୀ ବିମଳେନ୍ଦୁ ରାୟଙ୍କୁ ସୋନପୁରର ନୂଆ ଜିଲ୍ଲାପାଳ ଭାବେ ନିଯୁକ୍ତ କରିଛନ୍ତି। ସେ ସୋନପୁରର ପୂର୍ବତ୍ତନ ଜିଲ୍ଲାପାଳ ସୂର୍ଯ୍ୟନାରାୟଣ ଦାଶଙ୍କ ସ୍ଥାନରେ ଯୋଗ ଦେବେ। ଏ ନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।
ଓଏଏସ (ସୁପରଟାଇମ ସ୍କେଲ) ଅଧିକାରୀ ଶ୍ରୀ ରାୟ ନିର୍ମାଣ ବିଭାଗରେ ସ୍ୱତନ୍ତ୍ର ସଚିବ ଭାବେ କାର୍ଯ୍ୟ କରିଛନ୍ତି। ସେ ପୂର୍ବରୁ ବିଏମସିର ଯୁଗ୍ମ ସଚିବ ଓ ସମ୍ବଲପୁର ମହାନଗର ନିଗମର ଡେପୁଟି କମିଶନର ଭାବେ ଦାୟିତ୍ୱ ତୁଲାଇଛନ୍ତି।
