ଗୋପାଳପୁର: ବ୍ରହ୍ମପୁର ଗୋପାଳପୁର ଥାନା ଅନ୍ତର୍ଗତ ଆମ୍ବପୁଆ ରୋଡ ସ୍ଥିତ ଆୟକର ବିଭାଗ ନିକଟରେ ଆଜି ଅପରାହ୍ନ ସମୟରେ ଦୁଇ ଗୋଷ୍ଠୀ ମଧ୍ୟରେ ପୂର୍ଵ ଶତ୍ରୁତାକୁ କେନ୍ଦ୍ରକରି ମାରପିଟ ହୋଇଥିବ ବେଳେ ଆକ୍ରମଣରେ ଦୁଇ ଜଣ ଗୁରୁତର ଆହତ ହୋଇଥିବା ଜଣାପଡ଼ିଛି। ଆହତ ମାନେ ହେଲେ ବ୍ରହ୍ମପୁର ଲାଞିପଲ୍ଲି ଓ ଖୋଡାସିଂର ସିଲୁ ଡାକୁଆ ଓ ରାହୁଲ ନାୟକ ବୋଲି ପୁଲିସ କହିଛି। ଖବର ପାଇଁ ଗୋପାଳପୁର ପୁଲିସ ଘଟଣାସ୍ଥଳରେ ପହଞ୍ଚି ଗୁରୁତର ମାନଙ୍କୁ ଚିକିତ୍ସା ନିମନ୍ତେ ବ୍ରହ୍ମପୁର ବଡ଼ ମେଡିକାଲ ପଠାଇଥିଲେ। ସିଲୁ ଓ ରାହୁଲ ଦୁଇ ଜଣ ଏକ ମୋଟରସାଇକେଲରେ ବ୍ରହ୍ମପୁର ଫେରୁଥିବା ବେଳେ ପୂର୍ବରୁ ଯୋଜନାବଦ୍ଧ ଭାବେ ସେଠାରେ ଅପେକ୍ଷା କରିଥିବା ୪ରୁ ୫ ଯୁବକ ସେମାନଙ୍କୁ ଅଟକାଇ ମାରପିଟ କରିବା ସହ ହାତରେ ଧରିଥିବା ମଦ ବୋତଲରେ ଉଭୟଙ୍କ ମୁଣ୍ଡକୁ ଆକ୍ରମଣ କରି ସେଠାରୁ ଫେରାର ହୋଇଯାଇଥିଲେ। ତେବେ ଏ ନେଇ ଥାନାରେ କୌଣସି ମାମଲା ରୁଜୁ ହୋଇନଥିବା ଜଣାପଡିଛି।
Popular Categories
Previous article
Next article