ଡେସ୍କ : ମାଲକାନଗିରି ଜିଲ୍ଲାର ବିଭିନ୍ନ ସ୍ଥାନରେ ଗୁରୁବାର ଅପରାହ୍ଣରେ କାଳବୈଶାଖୀର ତାଣ୍ଡବ ଦେଖିବାକୁ ମିଳିଛି । ଝଡ଼ ପବନରେ ବଡ଼ ବଡ଼ ଗଛ ଭାଙ୍ଗିବା ସହ ଘରର ଛପର ଉଡିଯାଇଛି । ଗଛ ପଡ଼ି ଜିଲ୍ଲାର ବିଭିନ୍ନ ସ୍ଥାନରେ ରାସ୍ତା ଅବରୋଧ ହୋଇଛି ।
ତେବେ ନିର୍ମାଣାଧୀନ ଏୟାରଷ୍ଟ୍ରିପର ପାଚେରୀ ଭାଙ୍ଗି ୨ ଜଣ ଶ୍ରମିକ ଗୁରୁତର ହୋଇଛନ୍ତି । ଶ୍ରମିକମାନେ କାମ କରୁଥିବାବେଳେ ପବନ ମାଡ଼ରେ ପାଚେରୀ ଭାଙ୍ଗିପଡିଥିବା ସୂଚନା ମିଳିଛି। ଅନ୍ୟ ପକ୍ଷରେ କାଳବୈଶାଖୀ ପ୍ରଭାବରେ ସତୀଗୁଡ଼ା ଡ୍ୟାମ୍ରେ ୨ ଡଙ୍ଗା ବୁଡ଼ି ୨ ନିଖୋଜ ହୋଇଯାଇଥିବା ଜଣାଯାଇଛି । ୨ ଜଣ ୨ଟି ଡଙ୍ଗାରେ ଜଳଭଣ୍ଡାର ମଧ୍ୟକୁ ମାଛ ଧରିବାକୁ ଯାଇ ନିଖୋଜ ହୋଇଯାଇଥିବା କୁହାଯାଉଛି।
