ପାଟଣା: କେନ୍ଦୁଝର ଜିଲା ଢେଙ୍କିକୋଟ ଫାଣ୍ଡି ଅନ୍ତର୍ଗତ ୨୦ ନମ୍ବର ଜାତୀୟ ରାଜପଥର ପିପିଳିଆ ନିକଟରେ କଣ୍ଟେନର ଭିତରେ ଏକ ବାଇକ୍ ଗଳି ଯିବାରୁ ବାଇକ୍ ଆରୋହୀ ଗୁରୁତର ଆହତ ହୋଇଛନ୍ତି। ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଆମ୍ବୁଲାନ୍ସ ଯୋଗେ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଳୟରେ ଭର୍ତ୍ତି କରାଯାଇଛି।
ଗୁରୁତର ବାଇକ୍ ଚାଳକ ଆନନ୍ଦପୁର ଅଞ୍ଚଳର କାଳନ୍ଦୀ ବାରିକ (୨୧) ବୋଲି ଜଣାପଡିଛି। ସେ ପିପିଳିଆ ଓଡ଼ିଶା ଗ୍ରାମ୍ୟ ବ୍ୟାଙ୍କ ଶାଖା ଏଟିଏମରୁ ଟଙ୍କା ଉଠାଇ ରାଜ ପଥ ଉପରକୁ ଆସି ଯିବା ସମୟରେ ପଛରୁ ଆସୁଥିବା କଣ୍ଟେନରଟି ବାଇକକୁ ଧକ୍କା ଦେଇଥିଲା। ଫଳରେ ବାଇକ ସହିତ ବାଇକ ଆରୋହୀ କଣ୍ଟେନର ଭିତରେ ପଶି ଯାଇଥିଲା।
- Advertisement -
କଣ୍ଟେନର ଭିତରେ ବାଇକ ଆରୋହୀ ପଶିଯିବାରୁ ଗୁରୁତର ଆହତ ହୋଇଥିଲେ। ଖବର ପାଇ ଢେଙ୍କିକୋଟ ପୁଲିସ ଘଟଣାସ୍ଥଳରେ ପହଞ୍ଚି ଉଭୟ ଗାଡ଼ିକୁ ଜବତ କରି ଘଟଣାର ତଦନ୍ତ କରୁଛି।
