କଲମପୁର : କଲମପୁର କୃଷି ସୂଚନା ଓ ପରାମର୍ଶ କେନ୍ଦ୍ରଠାରେ ବ୍ଲକସ୍ତରୀୟ ବଳରାମ ମାସ ଋଣ ଅସୁଲି ମେଳା ଅନୁଷ୍ଠିତ ହୋଇଯାଇଛି। ମଙ୍ଗଳବାର ସହକାରୀ କୃଷି ଅଧିକାରୀ ନୌକେଶ୍ୱର ନାଗଙ୍କ ଅଧ୍ୟକ୍ଷତାରେ ଆୟୋଜିତ ଏହି ମେଳାରେ ଭାରତୀୟ ଷ୍ଟେଟବ୍ୟାଙ୍କ କଲମପୁରର ଶାଖା ପରିଚାଳକ ସରୋଜ କୁମାର ମେହେର, ଭବାନୀପାଟଣା କେନ୍ଦ୍ର ସମବାୟ ବ୍ୟାଙ୍କ କଲମପୁର ଶାଖା ପରିଚାଳକ ରଘୁନାଥ ନାଏକ ପ୍ରସାଦ, ଓଡ଼ିଶା ଜୀବିକା ମିଶନର ବ୍ଲକ ପ୍ରକଳ୍ପ ପରିଚାଳକ ରିଆନୁଜ ଏକ୍କା ପ୍ରମୁଖ ମଞ୍ଚାସୀନ ଥିଲେ। ବଳରାମ ଯୋଜନାରେ ଭୂମି ହୀନ ଭାଗ ଚାଷୀ ଏବଂ ମହିଳା ଚାଷୀଙ୍କ ପାଇଁ ଥିବା ବିଭିନ୍ନ ସୁବିଧା ସମ୍ବନ୍ଧରେ ବୁଝାଇଥିଲେ। ଏହାସହ କିଛି ଗୋଷ୍ଠୀଙ୍କଠାରୁ ଋଣ ଅସୁଲି କରାଯାଇଥିଲା। ଏପରିକି ଯୋଜନା ସମ୍ବନ୍ଧରେ ଉପସ୍ଥିତ ଥିବା ସମବାୟ ସମିତିର କାର୍ଯ୍ୟ ନିର୍ବାହୀ ଅଧିକାରୀମାନଙ୍କ ସହ ଆଲୋଚନା କରିଥିଲେ। ଏଥିରେ ତ୍ରିଭୁବନ ପ୍ରଧାନୀ, ଧର୍ମେନ୍ଦ୍ର ନାଏକଙ୍କ ସମେତ କୃଷି ବିଭାଗରୁ ବିରଞ୍ଚି ମାଝୀ, ପ୍ରଭାସିନୀ ପାତ୍ର, ଅବିନାସ ମୁଣ୍ଡ ପ୍ରମୁଖଙ୍କ ସମେତ ସମସ୍ତ କୃଷି କର୍ମୀ, କୃଷକ ସାଥି, ଚାଷୀ, ମହିଳା ଗୋଷ୍ଠୀର ସଭ୍ୟାଙ୍କ ସମେତ ଓଡ଼ିଶା ଜୀବିକା ମିଶନର ପ୍ରମୁଖ କର୍ମକର୍ତାମାନେ ଯୋଗ ଦେଇଥିଲେ।
Comments are closed.