ଚେରିଆନାଡ଼ : କେରଳର ଆଲ୍ଲାପୁଝା ଜିଲା ଅନ୍ତର୍ଗତ ଚେରିଆନାଡ଼ ରେଳ ଷ୍ଟେସନ୍ରେ ସୋମବାର ଏକ ଅଭାବନୀୟ ଘଟଣା ଘଟିଛି। ମାଭେଲିକାରା ଓ ଚେଙ୍ଗାନୁର ମଧ୍ୟସ୍ଥ ଚେରିଆନାଡ ଷ୍ଟେସନରେ ଟ୍ରେନ୍ରେ ଚଢ଼ିବାକୁ ଓ ଓହ୍ଲାଇବାକୁ ଯାତ୍ରୀ ଅପେକ୍ଷା କରିଥିଲାବେଳେ ସୋରାପୁରଗାମୀ ବେନାଦ ଏକ୍ସପ୍ରେସ୍ ଟ୍ରେନ୍ ନଅଟକି ସିଧା ଚାଲିଯାଇଥିଲା। ପ୍ରାୟ ୭୦୦ମିଟର ଯିବା ପରେ ଏହା ଅଟକିଥିଲା ଏବଂ ପଛକୁ ଫେରି ଯାତ୍ରୀଙ୍କୁ ନେଇଥିଲା। ସକାଳ ୭ଟା ୪୫ରେ ଏଭଳି ଘଟିଥିଲା। ଟ୍ରେନ୍ର ଲୋକୋ ପାଇଲଟ୍ ଷ୍ଟେସନ୍ ମାଷ୍ଟରଙ୍କଠାରୁ କୌଣସି ସୂଚନା(ସିଗନାଲ) ନ ପାଇବାରୁ ଦ୍ବନ୍ଦ୍ବରେ ପଡ଼ି ଚାଳକ ଷ୍ଟେସନରେ ଗାଡ଼ିକୁ ଅଟକାଇ ନଥିଲେ; ତଥାପି ୫୦୦ମିଟର ଅତିକ୍ରମ କରିବା ପରେ ଷ୍ଟେସନ୍ ଛାଡ଼ିଆସିବା ଭୁଲ୍ ବୋଲି ଭାବି ଗାଡ଼ି ପଛକୁ ଫେରାଇଥିଲେ। ଏ ନେଇ କୌଣସି ଅଭିଯୋଗ ହୋଇନାହିଁ। ଯାତ୍ରୀ ମଧ୍ୟ ଅସୁବିଧାର ସମ୍ମୁଖୀନ ହୋଇନାହାନ୍ତି; ତେବେ ଚାଳକଙ୍କଠାରୁ ଉଚ୍ଚ କର୍ତ୍ତୃପକ୍ଷ ଜବାବ ତଲବ କରିଛନ୍ତି।
Comments are closed.