ହରଭଙ୍ଗା: ହରଭଙ୍ଗା ବ୍ଲକରେ ନୂତନଭାବେ ଗୌତମ ମାଝୀ, ମୀନାକ୍ଷୀ ପାତ୍ର ଏବଂ ବୈକୁଣ୍ଠ ବେହେରା ପ୍ରମୁଖ ୩ଜଣ ଜିଆରଏସ ଯୋଗଦାନ କରିଥିବା ଜଣାପଡ଼ିଛି। ଗୌତମ ମାଝୀଙ୍କୁ ପିତାମ୍ବରପୁର, ମୀନାକ୍ଷୀ ପାତ୍ରଙ୍କୁ ଶଙ୍କୁଲେଇ ଏବଂ ବୈକୁଣ୍ଠ ବେହେରାଙ୍କୁ କରଞ୍ଜକଟା ପଂଚାୟତର ଦାୟିତ୍ୱ ପ୍ରଦାନ କରାଯାଇଛି। ନବ ନିଯୁକ୍ତ ତିନି ଜଣ ଜିଆରଏସଙ୍କ ମଧ୍ୟରୁ ମୀନାକ୍ଷୀ ପାତ୍ରଙ୍କ ଘର ବାଣୀଭୁଷଣପୁର, ଗୌତମ ମାଝୀଙ୍କ ଘର ବଡନନ୍ଦାଗାଡୁ ଏବଂ ବୈକୁଣ୍ଠ ବେହେରାଙ୍କ ଘର ମହାଲ୍ଲିକପଡ଼ା ବୋଲି ଜଣାପଡ଼ିଛି। ଏମାନଙ୍କ ଯୋଗଦାନ ପରେ ବ୍ଲକରେ ଜିଆରଏସ ସଂଖ୍ୟା ୧୫ରେ ପହଞ୍ଚିଛି। ଆବାସ ଦୁର୍ନୀତିରେ ଛନ୍ଦିହୋଇ ଲୋକାୟୁକ୍ତ ଛାଟରେ କରଞ୍ଜକଟା ପଂଚାୟତର ତତ୍କାଳୀନ ଜିଆରଏସ କ୍ଷୀରୋଦ କୁମାର ମହାପାତ୍ର ଚାକିରୀରୁ ବରଖାସ୍ତ ପରେ ଆହୁରି ୭ଟି ଜିଆରଏସ ପଦବୀ ଖାଲିପଡ଼ିଛି। ଗତ ୧୭ ତାରିଖ ଜିଲ୍ଲାପାଳ ୧୧ଜଣ ନବନିଯୁକ୍ତ ଜିଆରଏସଙ୍କୁ ନିଯୁକ୍ତି ପତ୍ର ପ୍ରଦାନ କରିଥିଲେ। ସେଥିରୁ ୩ଜଣଙ୍କୁ ହରଭଙ୍ଗା, ୫ଜଣଙ୍କୁ ବୌଦ୍ଧ ଏବଂ ୩ଜଣଙ୍କୁ କଣ୍ଟାମାଳ ବ୍ଲକରେ ନିଯୁକ୍ତି ମିଳିଛି।
