ରେଙ୍ଗାଲିକ୍ୟାମ୍ପ : ଅତାବିରା ବ୍ଲକ ଅମଲା ସଂଘର ସଭାପତି ଦେବ ମହାନ୍ତିଙ୍କ ନେତୃତ୍ୱରେ ବ୍ଲକର ସରକାରୀ କାର୍ଯ୍ୟାଳୟ ମାନଙ୍କରେ କାର୍ଯ୍ୟରତ କନିଷ୍ଠ କିରାଣି ମାନଙ୍କୁ ନେଇ ଗୋଷ୍ଠୀ ଉନ୍ନୟନ ଅଧିକାରୀ ପ୍ରମୋଦ ମେହେରଙ୍କ ଜରିଆରେ ମୁଖ୍ୟ ସଚିବଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରାଯାଇଛି। ଶିକ୍ଷାଗତ ଯୋଗ୍ୟତା ଭିତ୍ତିରେ ୧୯୦୦ ଗ୍ରେଡ ପେ’ ବଦଳରେ ୪୨୦୦ ଗ୍ରେଡ ଦିଆଯାଉ ବୋଲି ଏହି ଦାବି ପତ୍ରରେ ଉଲ୍ଲେଖ ରହିଛି। ଯଦି ଏହି ଦାବି ପୂରଣ ନ ହୁଏ ତେବେ ଆସନ୍ତା ୨୧ ତାରିଖରେ କଳା ବ୍ୟାଚ ପରିଧାନ କରିବେ ବୋଲି ସଂଘ ପକ୍ଷରୁ ଚେତାବନୀ ଦିଆଯାଇଛି। ଏହା ସତ୍ତ୍ଵେ ମଧ୍ୟ ଯଦି ସରକାର ତାଙ୍କର ଦାବି ପୂରଣ ନ କରନ୍ତି ,ତେବେ ଜୁନ ପହିଲାରୁ କାର୍ଯ୍ୟବନ୍ଦ ଆନ୍ଦୋଳନ କରିବେ ବୋଲି ସୂଚନା ମିଳିଛି। ଏହି ଦାବି ପତ୍ର , ଅତାବିରା ସିଡି ପିଓ, ଅତିରିକ୍ତ ବ୍ଲକ ଶିକ୍ଷା ଅଧିକାରୀ କାର୍ତ୍ତିକ ବାଗ, ଭାରପ୍ରାପ୍ତ ତହସିଲଦାର ରଞ୍ଜନ ଦାସ, ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଇନ୍ ଚାର୍ଜ ରବି ନାରାୟଣ ମିଶ୍ର, ଟ୍ରେଜେରି ରକ୍ଷକ ପ୍ରମୁଖଙ୍କୁ ମଧ୍ୟ ପ୍ରଦାନ କରାଯାଇଥିବା ସଂଘ ପକ୍ଷରୁ ସୂଚନା ରହିଛି । ସଂଘର ସମ୍ପାଦକ ରବୀନ୍ଦ୍ର ପ୍ରଧାନ, ମଧୁସୂଦନ ଭୋଇ, ଧନଞ୍ଜୟ କଠାର, ନିରଞ୍ଜନ ପ୍ରଧାନ, ଖଗେଶ୍ବର ଅମାନ୍ତ, ନିବେଦିତା ନାଏକ, ଚିତ୍ରପ୍ରତିମା ଧାନି ଫାଲସା,ଋଷି ସାହୁ, କୁବେର ମାଝୀ ପ୍ରମୁଖ ଦାବି ପତ୍ର ପ୍ରଦାନ ସମୟରେ ଉପସ୍ଥିତ ଥିଲେ।
Popular Categories
Previous article
Next article