ସିବିଏସଇ ଦଶମ ଶ୍ରେଣୀ ପରୀକ୍ଷାଫଳ ; ପାସ୍‌‌ ହାର ୯୩.୧୨%

ଭୁବନେଶ୍ୱର :  ପ୍ରକାଶ ପାଇଲା କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ(ସିବିଏସ୍‌ଇ) ଦ୍ବାରା ପରିଚାଳିତ ଦଶମ ଶ୍ରେଣୀ ପରୀକ୍ଷାଫଳ। ଛାତ୍ରଛାତ୍ରୀମାନେ ସେମାନେଙ୍କ ପରୀକ୍ଷା ଫଳ www.cbse.govt.in cbseresults.nic.in ଦେଖିପାରିବେ। ଚଳିତ ବର୍ଷର ପାସ୍‌‌ ହାର ୯୩.୧୨%। ଭୁବନେଶ୍ୱର ରିଜିଅନରେ ପାସ୍‌‌ ହାର ୯୩.୬୪%। ଗତବର୍ଷ ତୁଳନାରେ ଏବର୍ଷ ପାସ୍‌‌ ହାର ୧.୨୮% କମିଛି। ୯୯.୯୧% ପାସ୍‌‌ ହାର ସହ ତ୍ରିବେନ୍ଦ୍ରମ୍‌‌ ରିଜିଅନ୍‌‌ ଶୀର୍ଷରେ। ଝିଅମାନଙ୍କ ପାସ୍‌‌ ହାର ପୁଅମାନଙ୍କ ଅପେକ୍ଷା ୨% ଅଧିକ। ଝିଅଙ୍କ ପାସ୍‌‌ ହାର ୯୪.୨୫%। ପୁଅଙ୍କ ପାସ୍‌‌ ହାର ୯୨.୨୭%। ଗତବର୍ଷ ପାସ୍‌‌ ହାର ଥିଲା ୯୪.୪୦ ପ୍ରତିଶତ।
ସୂଚନାଯୋଗ୍ୟ, ଚଳିତ ବର୍ଷ ଉଭୟ ଦଶମ ଏବଂ ଦ୍ବାଦଶ ଶ୍ରେଣୀରେ ମୋଟ ୩୮ ଲକ୍ଷ ଛାତ୍ରଛାତ୍ରୀ ପରୀକ୍ଷା ଦେଇଥିଲେ। ସାରା ଦେଶ ଏବଂ ବିଦେଶରେ ସିବିଏସ୍‌ଇ ଦ୍ବାରା ଅନୁବନ୍ଧିତ ବିଦ୍ୟାଳୟଗୁଡ଼ିକରେ ଫେବ୍ରୁଆରୀ ୧୫ରୁ ପରୀକ୍ଷା ଆରମ୍ଭ ହୋଇ ଏପ୍ରିଲ ୫ରେ ଶେଷ ହୋଇଥିଲା।