ଭୁବନେଶ୍ୱର: ଟାଟା ଷ୍ଟିଲ୍ ପକ୍ଷରୁ ୨୦୨୨-୨୩ ଆର୍ଥିକବର୍ଷ ଏବଂ ୪ର୍ଥ ତ୍ରୈମାସିକର ଆର୍ଥିକ ଫଳାଫଳ ଘୋଷଣା କରାଯାଇଛି। ଏହି ଆର୍ଥିକ ବର୍ଷରେ କମ୍ପାନୀର ରାଜସ୍ୱ ୨,୪୩,୩୫୩ କୋଟି ଟଙ୍କା ରହିଛି। ଟିକସ ପରବର୍ତ୍ତୀ ଲାଭ ୮,୦୭୫ କୋଟି ଟଙ୍କା ହୋଇଛି। ୪ର୍ଥ ତ୍ରୈମାସିକରେ ରାଜସ୍ୱ ୬୨,୯୬୨ କୋଟି ଟଙ୍କା ହୋଇଥିବାବେଳେ ଇବିଆଇଟିଡିଏ ୭,୨୨୫ କୋଟି ଟଙ୍କା ଏବଂ ଇବିଆଇଟିଡିଏ ସୀମା ୧୧ ପ୍ରତିଶତ ରହିଛି। ପ୍ରଦର୍ଶନରେ ଉନ୍ନତି ପାଇଁ କମ୍ପାନୀର ଲାଭ ବଢ଼ିଛି। ଏହି ଆର୍ଥିକବର୍ଷରେ କମ୍ପାନୀର ଭାରତରେ ଅଶୋଧିତ ଇସ୍ପାତ ଉତ୍ପାଦନ ୧୯.୯ ନିୟୁତ ଟନ୍ ରହିଛି ଯାହା ଟାଟା ଷ୍ଟିଲ୍ର ମୋଟ ଉତ୍ପାଦନର ୬୫%। ଦେଶ ଭିତରେ ଯୋଗାଣ ୧୧ ପ୍ରତିଶତ ବଢ଼ିଥିବାବେଳେ ତ୍ରୈମାସିକ ଯୋଗାଣ ୯ ପ୍ରତିଶତ ବୃଦ୍ଧି ପାଇ ୫.୧୫ ନିୟୁତ ଟନ୍ ହୋଇଛି ବୋଲି ଟାଟା ଷ୍ଟିଲ୍ର ପରିଚାଳନା ନିର୍ଦେଶକ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଟି. ଭି. ନରେନ୍ଦ୍ରନ୍ କହିଛନ୍ତି।
Comments are closed.