ନୀଳଗିରି : ଶ୍ୱଶୁର ଘରକୁ ଆସିଥିବା ଜ୍ୱାଇଁର ଗଳିତ ଶବ ଉଦ୍ଧାର ହୋଇଛି । ମୟୂରଭଞ୍ଜ ଜିଲା ବୈଶିଙ୍ଗା ଅଞ୍ଚଳର ମୋହନ ମୁର୍ମୁ (୩୬) ଗତ ରବିବାର ନୀଳଗିରି ବ୍ଲକ କେସିପୁର ପଞ୍ଚାୟତର ଖଡ଼ିଚୁଆସ୍ଥିତ ଶ୍ୱଶୁର ଘରକୁ ଆସିଥିଲେ। ଦୀର୍ଘ ୫ଦିନ ହେବ ସେ ନିଖୋଜ ଥିବା ବେଳେ କୁଲଡିହା ଅଭୟାରଣ୍ୟର ଖଡ଼ିଚୁଆ ଅଞ୍ଚଳରେ ସ୍ଥାନୀୟ କେତେକ ଲୋକେ ଗୁରୁବାର ମୋହନଙ୍କ ମୃତଦେହ ଠାବ କରିଥିଲେ । ସେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଦେଖିବାକୁ ମିଳିଥିବାବେଳେ ମୃତଦେହ ପଚି ଦୁର୍ଗନ୍ଧ ବହାରୁଛି । ଖବରପାଇ ବରହମପୁର ପୁଲିସ ସେଠାରେ ପହଞ୍ଚି ମୃତଦେହ ଉଦ୍ଧାର କରିବା ପରେ ପରିବାର ଲୋକଙ୍କୁ ହସ୍ତାନ୍ତର କରିଛନ୍ତି। ତେବେ ଶ୍ୱଶୁର ଘରକୁ ଆସି ଜ୍ୱାଇଁଙ୍କ ଆତ୍ମହତ୍ୟା ଘଟଣାନେଇ ସନ୍ଦେହ ସୃଷ୍ଟି ହୋଇଛି । ସେପଟେ ମୃତକ ମାନସିକ ବିକାରଗ୍ରସ୍ତ ଓ ସେ ଚିକିତ୍ସା ନିମନ୍ତେ ଆସିଥିବା ନେଇ ଶ୍ୱଶୁର ଘର ଲୋକେ ବୟାନ ରଖିଛନ୍ତି ।
Comments are closed.