ବେଙ୍ଗାଲୁର – ଭାରତ ସରକାଙ୍କର ଅଧିନରେ ଥିବା ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ ଦ୍ୱାରା ଭାରତୀୟ ସୁପରସୋନିକ୍ ଜେଟ୍ ଟ୍ରେନର ଏଚ୍ଏଲ୍ଏଫ୍ଟି-୪୨ ନିର୍ମାଣ କରାଯାଉଛି । ଏହାର କଳାତ୍ମକ ପ୍ରକରଣକୁ ବେଙ୍ଗୁଲର ଏରୋ ଇଣ୍ଡିଆ ସୋରେ ପ୍ରଦର୍ଶୀତ କରାଯାଇଥିଲା । ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ ବା ହାଲ୍ ଲାଇଟ୍ କମ୍ବାକ୍ଟ ଏୟାର କ୍ରାଫ୍ଟ ତେଜସ୍ ତିଆରି କରିଛି ।
ଏହି ସୁପରସୋନିକ୍ ଜେଟ୍ ଏଚ୍ଏଲ୍ଏଫ୍ଟି-୪୨ ଗୋଟିଏ ଇଂଜିନିବିଶିଷ୍ଟ ସୁପରସୋନିକ୍ ତାଲିମ ଯୁଦ୍ଧବିମାନ । ଏହା ଭାରତୀୟବାୟୁସେନାର ପାଇଲଟ୍ମାନଙ୍କୁ ଉଚ୍ଚଧରଣ ତାଲିମ୍ ପାଇଁ ସହାୟକ ହେବ । ଭାରତୀୟ ବାୟୁସେନାର ପାଇଲଟ୍ମାନଙ୍କୁ ହକ୍-୧୩୨, ମିଗ୍ ୨୧ ଏବଂ ସୁଖୋଇ-୩୦ ଏମ୍କେଆଇଏସ୍ରେ ପ୍ରଶିକ୍ଷଣ ଦିଆଯାଉଛି । ସୁପୋରସୋନିକ ପ୍ରଶିକ୍ଷଣ ବିମାନ ନିର୍ମାଣ କାର୍ଯ୍ୟ ଆରମ୍ଭ ହୋଇଛି । ଏହି ଯୁଦ୍ଧ ବିମାନ ନିର୍ମାଣ ହେବାପରେ ଭାରତୀୟ ବାୟୁସେନାପାଇଁ ଆର୍ଥିକ ଦିଗରେ ଏହା ବେଶ୍ ସହାୟକ ହେବ ।
ତେବେ ଏହି ସୁପରସୋନିକ ବିମାନ ନିର୍ମାଣକୁ ନେଇ କେତକ ଆଶଙ୍କା ପ୍ରକାଶ ପାଇଛି । ପ୍ରତିରକ୍ଷା ବିଶେଷଜ୍ଞମାନେ ଏହି ପ୍ରକଳ୍ପକୁ ନେଇ ବେଶ୍ ଆଶାବାଦୀ ଅଛନ୍ତି । ଏହାକୁ ସଫଳଭାବେ ନିର୍ମାଣ କରାଯାଇପାରିଲେ ଯୁଦ୍ଧବିମାନ ପ୍ରଶିକ୍ଷଣ ନେଉଥିବା ପାଇଲଟ୍ମାନଙ୍କ ପାଇଁ ଏହା ବେଶ୍ ସହାୟକ ହେବ ବୋଲି କୁହାଯାଇଛି ।
