ବାକାୟାମା- ଜାପାନର ବାକାୟାମାପରେ ଏକ ନିର୍ବାଚନ ରାଲିରେ ଏହାର ପ୍ରଧାନମନ୍ତ୍ରୀ ଫୁମିଆ କିଶିଦା ସମ୍ବୋଧନ ଦେବାରୁ ଯାଉଥିବା ବେଳେ ତାଙ୍କ ଉପରକୁ ସ୍ମୋକ ବମ୍ ଫିଙ୍ଗିଯାଇଥିବା ସୂଚନା । ସ୍ମୋକ ବମ୍ ଫିଙ୍ଗାଯିବା ସମୟରେ ପ୍ରଧାନମନ୍ତ୍ରୀ ଫୁମିଆ କିଶିଦା ଉପସ୍ଥିତ ନ ଥିଲେ । ମାତ୍ର ସେ ଏହି ରାଲିକୁ ସମ୍ବୋଧନ କରିବାର ଥିଲା ।
ବାକାୟାମାର ଏହି ରାଲିରେ ବିସ୍ଫୋରଣ ଶଦ୍ଦ ଶୁଣାଯାଇଥିଲା । ସେଠାରେ ଚାରିଆଡ ଧୂଆଁରେ ଭର୍ତ୍ତି ହୋଇଯାଇଥିଲା । ଏହି ଘଟଣାର ସମ୍ପୃକ୍ତି ଅଭିଯୋଗରେ ଜଣେ ବ୍ୟକ୍ତିକୁ ଗିରଫ କରାଯାଇଛି । ଏ ବିଷୟରେ ସୁରକ୍ଷାକର୍ମାଙ୍କ ପକ୍ଷରୁ କୌଣସି ସୂଚନା ଦିଆଯାଇ ନାହିଁ । ପ୍ରଧାନମନ୍ତ୍ରୀ ଫୁମିଆ କିଶିଦା ନିମ୍ନଗୃହ ପାଇଁ ଚାଲିଥିବା ନିର୍ବାଚନ ରାଲିକୁ ସମ୍ବୋଧନ କରିବାର ଥିଲା । ଏହି ସମୟରେ ସେ ଲିବେରାଲ ପାର୍ଟିର ପ୍ରାର୍ଥୀଙ୍କ ସହ କଥାବାର୍ତ୍ତା କରୁଥିଲେ ।
ଏହି ଘଟଣାର ଭିଡିଓ ଏବେ ବିଭିନ୍ନ ସୋସିଆଲ୍ ମିଡିଆରେ ଭାଇରାଲ୍ ହୋଇଛି । ଗଣମାଧ୍ୟମର ପ୍ରତିନିଧି ଏବଂ ଅନ୍ୟଲୋକମାନେ ଜୀବନ ବିକଳରେ ଦୌଡୁଥିବା ଦେଖିବା ପାଇଁ ମିଳୁଛି , ସେଠାରେ ଉପସ୍ଥିତ ସୁରକ୍ଷାକର୍ମୀମାନେ ତୁରନ୍ତ ବୋମା ଫିଙ୍ଗିଥିବା ଅଭିଯୁକ୍ତକୁ କାବୁ କରୁଥିବା ଏଥିରେ ଦେଖିବା ପାଇଁ ମିଳୁଛି। ଜାପାନର ପୂର୍ବତନ ପ୍ରଧାନମନ୍ତ୍ରୀ ଶିଞ୍ଜୋ ଆବେଙ୍କୁ ଏକ ନିର୍ବାଚନ ରାଲିରେ ଗୁଳି କରି ହତ୍ୟା କରାଯାଇଥିଲା ।
