ପାଟଣା: ପାଟଣା ଥାନା ଅନ୍ତର୍ଗତ ସାହାରପଡା ବ୍ଲକ ଧାନବେଣୀ ଗ୍ରାମ ପବିତ୍ର ବୈତରଣୀ ନଦୀକୂଳରେ ଥିବା କରମ ତୀର୍ଥରେ ଶହିଦ ରଘୁନାଥ ମାହାତୋଙ୍କ ୨୪୫ ତମ ଶହିଦ ଦିବସ ପାଳିତ ହୋଇଯାଇଛି। ଶହିଦ ରଘୁନାଥ ମାହାତୋ ସ୍ମୃତି କମିଟି ଦ୍ଵାରା ଆୟୋଜିତ ଭାରତର ପ୍ରଥମ କୁଡୁମି ଜାତିର ସ୍ବାଧୀନତା ସଂଗ୍ରାମୀ ସହିଦ ରଘୁନାଥ ମାହାତୋଙ୍କ ପ୍ରତିମୂର୍ତ୍ତିରେ ବିଶିଷ୍ଟ ଅତିଥି ମାନେ ମାଲ୍ୟାର୍ପଣ କରିଥିଲେ। ଆୟୋଜିତ କାର୍ଯ୍ୟକ୍ରମରେ କୁଡୁମୀ ଜନଜାତିର ବିଶିଷ୍ଟ ସମାଜସେବୀ ବୁଦ୍ଧିଜୀବୀ ଉପସ୍ଥିତ ଥିଲେ।ଶହିଦ ରଘୁନାଥ ମାହାତୋଙ୍କ ଚୁହାଡ଼ ବିଦ୍ରୋହର ଭୂମିକା ସ୍ବାଧୀନତା ସଂଗ୍ରାମରେ ଇଂରେଜ ମାନଙ୍କ ବିରୋଧରେ ଲଢେଇ କରି ଶହିଦ ହୋଇ ଯାଇଥିବା କଥାକୁ ସ୍ମୃତି ଚାରଣ କରିଥିଲେ।ଏଥିରେ ଇଂ ସୁରେନ୍ଦ୍ର ନାଥ ମହାନ୍ତ, ଅବସର ପ୍ରାପ୍ତ ପ୍ରଧାନ ଶିକ୍ଷକ ଗୌରହରି ମହାନ୍ତ, ଡ଼ା ପ୍ରତାପ ଚନ୍ଦ୍ର ମହାନ୍ତ, ଓଡ଼ିଶା କୁଡୁମିସେନା ରାଜ୍ୟ ଉପସଭାପତି ମିତ୍ରଭାନୁ ମହାନ୍ତ ଜିଲ୍ଲାପରିଷଦ ସଦସ୍ୟା ରୁନୁ ମହାନ୍ତ, ହୃଷୀକେଶ ମହାନ୍ତ, ଡ଼ା ସୁଦର୍ଶନ ଲୋହାର, ନବୀନ କିଶୋର ମହାନ୍ତ, ମନୋଜ କୁମାର ମହାନ୍ତ ପ୍ରଭୁତି ଯୋଗଦେଇ ସହିଦଙ୍କ ପ୍ରତିମୂର୍ତ୍ତୀରେ ମାଲ୍ୟର୍ପଣ କରିଥିଲେ। ସହିଦ ରଘୁନାଥ ମାହାତୋ ଅମର ରହେ ସ୍ଲୋଗାନ ଦେଇ କୁଡୁମି ଜାତିର ଗୌରବକୁ ମନେ ପକାଇଥିଲେ। ପରେ ସ୍ମୃତିସଭାରେ ବକ୍ତା ମାନେ ଶହିଦଙ୍କ ଗୁଣଗାନ କରିଥିଲେ। ସ୍ମୃତି କମିଟିର ସଦସ୍ୟ ଶରତ ଚନ୍ଦ୍ର ମହାନ୍ତ, ଖଗେଶ୍ବର ମହାନ୍ତ, ଧରଣୀ ମହାନ୍ତ,ତୁଳସୀ ମହାନ୍ତ,ଯଶୋଦା ମହାନ୍ତ, ବୀଣା ମହାନ୍ତ, ନକୁଳ ମହାନ୍ତ , ସୁକାନ୍ତ ମହାନ୍ତ ଓ ଭୁତ ମହାନ୍ତ ପରିଚାଳନା କରିବାରେ ସହଯୋଗ କରିଥିଲେ। ଧାନବେଣୀ ତଥା ସ୍ଥାନୀୟ ଅଞ୍ଚଳର କୁଡୁମି ଜାତି ଭାଇ ଭଉଣୀ ମାନେ କାର୍ଯ୍ୟକ୍ରମରେ ଉପସ୍ଥିତ ଥିଲେ।
Popular Categories
Previous article
Next article