ହାଇଦ୍ରାବାଦ – ହାଇଦ୍ରାବାଦରେ ଭଙ୍ଗାଯିବ ଅନେକ କୋଠାଘର । ବେଆଇନ ଭାବେ ତିଆରି ହୋଇଥିବା ୨୦୦ କୋଠାଘରକୁ ହାଇଦ୍ରାବାଦ ମହାନଗର ନିଗମ କର୍ତ୍ତୃପକ୍ଷ ଭାଙ୍ଗିବା ପାଇଁ ପକ୍ରିୟା ଆରମ୍ଭ କରିଛନ୍ତି । କ୍ରିଷ୍ଟାଲ୍ ଟାଉନ୍ସିପ୍ରେ ଥିବା ୨୦୦ ଘରକୁ ଭଙ୍ଗାଯିବା ପାଇଁ ନିଷ୍ପତ୍ତି ନିଆଯାଇଛି । ପ୍ରଥମେ ନିର୍ମାଣାଧିନ ଘର ଗୁଡିକୁ ଭାଙ୍ଗିଦିଆଯିବ, ପରେ ଲୋକ ବସବାସ କରୁଥିବା ଲୋକଙ୍କୁ ସେଠାରୁ ହଟାଯାଇ ଉଚ୍ଛେଦ କାର୍ଯ୍ୟ କରାଯିବ ବୋଲି ସୂଚନା ମିଳିଛି । ଏହାକୁ ପ୍ରଶାସନର ବିନା ଅନୁମତିରେ ବିଭିନ୍ନ ନିୟମକୁ ଉଲ୍ଲଘଂନ ଏହାକୁ ନିର୍ମାଣ କରାଯାଇଥିବା ଅଭିଯୋଗ କରାଯାଇଥିଲା ।
ଏହାପରେ ହାଇଦ୍ରାବାଦ ମହାନଗର ନିଗମ କର୍ତ୍ତୃପକ୍ଷ ଘଟଣାର ତଦନ୍ତ କରିଥିଲେ । ବେଆଇନ୍ ଭାବେ କ୍ରିଷ୍ଟାଲ୍ ସିଟିରେ ଘର ନିର୍ମାଣ କରାଯାଇଥିବା ଜଣାପଡିଥିଲା। ପରେ ନିର୍ମାଣକାରୀ ସଂସ୍ଥା ତେଲେଙ୍ଗାନା ଉଚ୍ଚନ୍ୟାୟାଳୟଙ୍କ ଦ୍ୱାରସ୍ଥ ହୋଇଥିଲେ । ମାତ୍ର ନ୍ୟାୟଳୟ ଉଚ୍ଛେଦ ପାଇଁ ନିର୍ଦେଶ ଦେଇଛନ୍ତି । ତେବେ ଏତେ ଦିନ ଧରି ସରକାରୀ ସଂସ୍ଥା କାହିଁକି ଚୁପ୍ ଥିଲେ ତାକୁ ନେଇ ସେଠାକାର ବାସିନ୍ଦା ଅଭିଯୋଗ କରିଛନ୍ତି । ହେଲେ ପୁଲିସ ଉପସ୍ଥିତିରେ ସେଠାରେ ଉଚ୍ଛେଦ କାର୍ଯ୍ୟ କରାଯିବ ବୋଲି ସୂଚନା ମିଳିଛି ।
