ଚାନ୍ଦିପୁଟ : ପୁଣି ସାମ୍ନାକୁ ଆସିଲା ଜନନୀ ଜନନୀ ଯନ୍ତ୍ରଣାର ଦୁଃଖଦ ଚିତ୍ର । ମେଡିକାଲ ଯାଉଥିବା ବେଳେ ଅଧା ରାସ୍ତାରେ ଅଟୋରେ ପ୍ରସବ କଲେ ମହିଳା । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା ମୋହନା ବ୍ଲକ୍ ହୁଏରି ଗାଁରେ । ଗାଁର ଚନ୍ଦ୍ରକଳା ମଲ୍ଲିକଙ୍କ ପ୍ରସବ ଯନ୍ତ୍ରଣା ହେବାରୁ ପରିବାର ଲୋକେ ଆମ୍ବୁଲାନ୍ସ ନ ଡ଼ାକି ଗାଁର ଆଶା ଦିଦିଙ୍କ ସହାୟତାରେ ଏକ ଅଟୋ ଭଡ଼ା କରି ମହିଳାଙ୍କୁ ମେଡିକାଲ୍ ନେଉଥିଲେ। ତେବେ ମାତ୍ର ଦେଢ଼ କିମି ରାସ୍ତା ଅତିକ୍ରମ କରିବା ପରେ ଗାଣ୍ଡାପଦର ଗାଁ ନିକଟରେ ମହିଳା ଜଣଙ୍କ ଅଟୋରେ ଏକ ଶିଶୁ କନ୍ୟାକୁ ପ୍ରସବ କରିଥିଲେ। ମେଡିକାଲରେ ପହଞ୍ଚିବା ପରେ ଅଧିକ ଚିକିତ୍ସା ପାଇ ବର୍ତ୍ତମାନ ମାଆ ଓ ଶିଶୁର ସ୍ବାସ୍ଥ୍ୟବସ୍ଥା ଭଲ ଥିବା ଡ଼ାକ୍ତର ନମିତା ପଣ୍ଡା କହିଛନ୍ତି ।
Popular Categories
Previous article
Next article