ଜେନିଭା – କୋଭିଡ୍ ପରେ ଏବେ ଏଚ୍୩ଏନ୍୧ ଭୁତାଣୁ ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଭାରତରେ ବି ସଂକ୍ରମଣ ବୃଦ୍ଧି ପାଉଛି । ପୂର୍ବରୁ ଅନ୍ୟରୋଗରେ ପୀଡିତ ଥିବା ଲୋକଙ୍କୁ ଏହା ଅଧିକ ପ୍ରଭାବିତ କରିବା ସହ କିଛି ପୀଡିତଙ୍କର ମୃତ୍ୟୁ ହେଲାଣି । ଏବେ ଏହି ପ୍ରକରଣର ଆଉ ଏକ ଭୁତାଣୁ ପାଇଁ ଏବେ ଚିନ୍ତାରେ ସ୍ୱାସ୍ଥ୍ୟ ବିଶେଷଜ୍ଞ । ଏଚ୍୫ଏନ୍୧ ଭୁତାଣୁ ଯୋଗୁଁ ଭବିଷ୍ୟତରେ ମହାମାରୀ ହୋଇପାରେ ବୋଲି ଆଶଙ୍କା କରାଯାଇଛି ।
ଏହା ଆମେରିକାରେ ସବୁଠାରୁ ବଡ ବର୍ଡ ଫ୍ଲୁର କାରଣ । ଏଥିପାଇଁ ଆମେରିକାରେ ମାଂସ ପାଇଁ ପାଳନ କରାଯାଇଥିବା କୁକୁଡା ଏବଂ ଟର୍କିଙ୍କୁ ନଷ୍ଟ କରାଯାଇଛି । ଅନେକ ଜଙ୍ଗଲୀ ପକ୍ଷୀ ଏଥିଯୋଗୁଁ ପ୍ରାଣ ହରାଇଛନ୍ତି ।
ଏହା ଲୋକମାନଙ୍କୁ ସଂକ୍ରମିତ କରିପାରେ ବୋଲି ଆଶଙ୍କା ପ୍ରକାଶ ପାଇଛି । ଏହା ଥରେ ବ୍ୟାପିଲେ ରୋକିବା କଷ୍ଟକର । ୧୯୯୬ ମସିହାରେ ଏହାକୁ ପ୍ରଥମ କରି ଚୀନ୍ର ଏକ ବତକ ଫାର୍ମରେ ମିଳିଥିଲା । ହଜାର ହଜାର ସଂଖ୍ୟାରେ ବତକ ମରିଯିବାରୁ ପରୀକ୍ଷଣରୁ ଏହି ଭୁତାଣୁ ବିଷୟରେ ସୂଚନା ମିଳିଥିଲା । ଏହା ଏକ ପ୍ରକାରର ବର୍ଡ ଫ୍ଲୁ ।
ପରେ ଏହା ସାରା ବିଶ୍ୱରେ ମିଳିଥିଲା । କେବଳ ପକ୍ଷୀ ନୁହନ୍ତି କେତକ ସ୍ତନପାୟୀ ପ୍ରାଣୀଙ୍କୁ ଏହି ଭୁତାଣୁ ସଂକ୍ରମିତ କରିଥିଲା । ଲୋକଙ୍କ ନିକଟରେ ଏହାକ ସଂକ୍ରମଣ ବିଷୟରେ ଏପର୍ଯ୍ୟନ୍ତ ବିଶେଷ କିଛି ସୂଚନା ନାହିଁ । ଏପରି ଫାର୍ମମାନଙ୍କରେ କାମ କରୁଥିବା ଲୋକଙ୍କୁ ଏହି ଭୁତାଣି ସଂକ୍ରମିତ କରିଥିଲେ ମଧ୍ୟ ଲୋକଙ୍କ ଠାରୁ ଲୋକଙ୍କୁ ବ୍ୟାପି ନଥିବା ଗବେଷକମାନେ କହିଛନ୍ତି ।
