ଭୁବନେଶ୍ୱର :ନ୍ୟାସନାଲ ଇନଷ୍ଟିଚ୍ୟୁଟ ଅଫ ସୋସିଆଲ ୱାର୍କ ଆଣ୍ଡ ସୋସିଆଲ କମ୍ୟୁନିକେସନ(ନିଶ୍ବାସ)ଠାରେ ଭାରତରେ ଏବଂ ବିଦେଶରେ ମହିଳା ସଶ୍ତିକରଣକୁ ନେଇ ଆୟୋଜିତ ହୋଇଥିବା ଦୁଇ ଦିନିଆ ଆନ୍ତର୍ଜାତିକ ମହିଳା ସମାବେଶ-୨୦୨୩’ ଉଦଯାପିତ ହୋଇଯାଇଛି। ଏହି କାର୍ୟ୍ୟକ୍ରମ ନିଶ୍ବାସ ଏବଂ ମହିଳା ସଶ୍ତିକରଣ ସଂଘ ମିଳିତ ଭାବେ ପରିଚାଳନା କରିଥିବାବେଳେ ଏଥିରେ ଜାତୀୟ ଏବଂ ଆନ୍ତର୍ଜାତୀୟ ସ୍ତରର ବହୁ ବ୍ୟକ୍ତି ବିଶଷଙ୍କ ସହ ବୌଦ୍ଧଭିଖୁ ଯୋଗ ଦେଇଥିଲେ।
ଅଧିବେଶନ କନଭେନର ତଥା ନିଶ୍ବାସ ମହାନିର୍ଦ୍ଦେଶକ ଡ. ସସ୍ମି ନାୟକଙ୍କ ସ୍ୱାଗତ ଅଭିଭାଷଣ ରଖି ସମାଜର ବିଭିନ୍ନ କ୍ଷେତ୍ରରେ ମହିଳାଙ୍କ ଆଭିମୁଖ୍ୟର ମହତ୍ବ ଏବଂ ସେମାନେ କିପରି ନିଜର ଜୀବନ ଯାପନ ସୁଧାରିବା ପାଇଁ ନିଜକୁ ସଶକ୍ତ କରୁଛନ୍ତି ତାହା ବର୍ଣ୍ଣନା କରିଥିଲେ। ରମାଦେବୀ ମହିଳା ବିଶ୍ୱବିଦ୍ୟାଳୟର କୁଳପତି ପ୍ରଫେସର ଆପରାଜିତା ଚୌଧୁରୀ ମୁଖ୍ୟଅତିଥି ଏବଂ ରାଜ୍ୟ ସରକାରଙ୍କ ପରାମର୍ଦାତା ନିଦେବିତା ବଳିଆରସିଂହ ନାୟକ ସମ୍ମାନିତ ଅତିଥି ଭାବେ ଯୋଗଦେଇ ବର୍ତ୍ତମାନର ପରିସ୍ଥିତିରେ ଚାକିରୀ କ୍ଷେତ୍ରରେ ମହିଳାଙ୍କ ନିରାପତ୍ତା ବିଷୟରେ ଆଲୋକପାତ କରିଥିଲେ। ଏଭଳି କାର୍ଯ୍ୟକ୍ରମ ମହିଳାମାନଙ୍କୁ ସମାଜରେ ଜଡିତ ହେବାକୁ ଉତ୍ସାହିତ କରିବା ସହ ରାଜନୀତିରେ ଅଂଶଗ୍ରହଣ ଏବଂ ଗଣତାନ୍ତ୍ରିକ ଶାସନରେ ମଧ୍ୟ ଜଡିତ କରିବ ବୋଲି ପ୍ରକାଶ କରିଥିଲେ।
ପ୍ରଥମ ଦିନରେ ସମସ୍ତ ଅଂଶଗ୍ରହଣକାରୀ ମହିଳା ସଶକ୍ତିକରଣ ସହିତ ଜଡିତ ନିଜସ୍ୱ ବିଷୟ ଉପରେ ସେମାନଙ୍କର ବିଷୟବସ୍ତୁ ଉପସ୍ଥାପନ କରିଥିଲେ। ଶେଷ ଦିନରେ ଭନ୍ତେ ଡ. ଚନ୍ଦ୍ରକିତି ବୁଦ୍ଧଙ୍କ ଶିକ୍ଷା ଉପରେ ଆଲୋଚନା କରିଥିଲେ ଏବଂ ବୁଦ୍ଧଙ୍କର ପ୍ରାର୍ଥନାସହିତ ଦୁଇ ଦିନିଆ ଆନ୍ତର୍ଜାତୀୟ ସମ୍ମିଳନୀ ସମାପ୍ତ ହୋଇଥିଲା।
Comments are closed.