ଡେସ୍କ: ସୀମା ସୁରକ୍ଷା ବଳ (ବିଏସଏଫ) ଆଜି ପଞ୍ଜାବ ଗୁରୁଦାସପୁର ଜିଲ୍ଲା ଆନ୍ତର୍ଜାତିକ ସୀମାରେଖା ନିକଟରେ ଉଡୁଥିବା ଆଉ ଏକ ଡ୍ରୋନକୁ ଗୁଳିକରି ଖସାଇ ଦେଇଛି। ଅନେକ ସମୟରେ ଡ୍ରୋନ ସାହାଯ୍ୟରେ ପାକିସ୍ତାନ ଅସ୍ତ୍ରଶସ୍ତ୍ର ଯୋଗାଣ କରି ସୀମାରେ ଉତ୍ତେଜନା ସୃଷ୍ଟି କରିଥାଏ। ତେବେ ବିଏସଏଫ ମେଲତା ଗ୍ରାମ ନିକଟରେ ଡ୍ରୋନକୁ ଗୁଳିକରି ଖସାଇବା ପରେ ଏଥିରେ ସନ୍ଦିଗ୍ଧ ଦ୍ରବ୍ୟ ଥିବା ଜଣାପଡିଥିଲା। ଅନ୍ୟପକ୍ଷରେ ଗୁରୁଦାସପୁର ନବୀ ନଗର ଗ୍ରାମରୁ ଗୋଟିଏ ଏକେ ସିରିଜ ରାଇଫଲ, ୨ଟି ମାଗାଜିନ ଓ ୪୦ଟି ଜୀବନ୍ତ ଗୁଳି ଉଦ୍ଧାର ହୋଇଥିବା ଜଣାପଡିଛି।
ମାର୍ଚ୍ଚ ୧୦ ରାତି ପ୍ରାୟ ୧୨ଟା ୫୫ ମିନିଟରେ ଏକ ଉଡ଼ନ୍ତା ବସ୍ତୁ ଦେଖିବା ପରେ ସମ୍ପୃକ୍ତ ଅଂଚଳକୁ ଘେରାଓ କରାଯାଇ ତନଖି କରାଯାଇଥିଲା।
