ରେଙ୍ଗାଲି: ସମ୍ବଲପୁର ଜିଲ୍ଲାର ରେଙ୍ଗାଲି ନିକଟସ୍ଥ ଲାରିପାଲି ଗ୍ରାମରେ ନବନିର୍ମିତ ସମଲେଶ୍ଵରୀ ମନ୍ଦିରର ପ୍ରତିଷ୍ଠା ମହୋତ୍ସବର ଶୁଭାରମ୍ଭ ହୋଇଛି। ବୈଦିକ ରୀତିରେ ଅଙ୍କୁରାରୋପଣ କରାଯାଇ ସନ୍ଧ୍ୟାରେ ଭବ୍ୟ କଳସଯାତ୍ରା ବାହାରିଥିଲା। ଗ୍ରାମ୍ୟ ପୁଷ୍କରିଣୀ ରୁ ପବିତ୍ର ଜଳ ଅଣାଯାଇ କଳସ ଅଧିବାସ ବିଧି ସମ୍ପନ୍ନ କରାଗଲା ପରେ ଅନ୍ନ ଅଧିବାସ କରାଯାଇଥିଲା। ପଣ୍ଡିତ ସୁରେନ୍ଦ୍ର ମିଶ୍ର ମୁଖ୍ୟ ପୂଜକ ଦାୟିତ୍ବ ତୁଲାଇ ଥିବା ବେଳେ ପ୍ରତିଷ୍ଠା ମହୋତ୍ସବ ରେ ସୁବାସ ଚନ୍ଦ୍ର ମିଶ୍ର, ଶୁକଦେବ ସାହୁ, ସରୋଜ ମିଶ୍ର, ବାବୁଲାଲ ମିଶ୍ର, ସୂର୍ୟ୍ୟକୁମାର ମିଶ୍ର, ମଣ୍ଟୁ ଷଢଙ୍ଗୀ, ଦୁଃଖନାଶନ ମିଶ୍ର ଦିଲ୍ଲିପ ଷଣ୍ଢ ଏବଂ ବୀରକିଶୋର ଦାସ କର୍ତ୍ତା ଦାୟିତ୍ବ ତୁଲାଉଛନ୍ତି। ଆଜି କଳସ ଅଧିବାସ ଅବସରେ ରାତିରେ ଛତିଶଗଡର ଉର୍ମିଲା ଦାସ ଏବଂ ବରଗଡ ପାଇକମାଲର ସୀତାବତି କୁମ୍ଭାର ସଂଚାର ପରିବେଷଣ କରିଥିଲେ। ଆସନ୍ତା ୧୨ ତାରିଖ ଦିନ ମନ୍ଦିର ପ୍ରତିଷ୍ଠା ମହୋତ୍ସବର ପୂର୍ଣାହୂତି ପ୍ରଦାନ କରାଯିବ। ଏହି ଅବସରରେ ପ୍ରତିଦିନ ଦିଲ୍ଲୀର ଝାଙ୍କି ରାମାୟଣ, ସଂଚାର, କୃଷ୍ଣ ଗୁରୁଭଜନ, ବନ୍ଦିତା ଦାସ ଓ ସାଥିଙ୍କ ପାରାୟଣ ଆଦି ବିଭିନ୍ନ ପ୍ରକାରର ସାଂସ୍କୃତିକ ଓ ଆଧ୍ୟାତ୍ମିକ କାର୍ୟ୍ୟକ୍ରମ ଆୟୋଜିତ ହେବାର କାର୍ୟ୍ୟକ୍ରମ ରହିଛି।
Popular Categories
Previous article
Next article