ଦେବଗଡ:ଆଜି ତିଲେଇବଣି ଫାଣ୍ଡି ଅନ୍ତର୍ଗତ ଦେବଗଡ–କୁଚିଣ୍ଡା ରାସ୍ତାର ମନ୍ଦାରନାଳୀ ନିକଟରେ ଏକ ଅଜଣା ଟ୍ରକ ଧକ୍କାରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ଜଣାପଡିଛି।
ମିଳିଥିବା ସୂଚନା ଅନୁଯାୟୀ ଆଜି ଅପରାହ୍ନରେ ପ୍ରଭାଶୁଣି କୁଚକୁଚା ଗ୍ରାମର ଭାଲେଂଟିନା ଡୁଙ୍ଗଡୁଙ୍ଗଙ୍କ ପୁଅ ଅଶୋକ ଡୁଙ୍ଗଡୁଙ୍ଗ (୨୫) ଓ ବୁଧୁ କୁଜୁରଙ୍କ ପୁଅ ସଞ୍ଜିତ କୁଜୁର (୨୦) ଏକ ବାଇକ ଯୋଗେ ପ୍ରଭାଶୁଣି ଆଡକୁ ଯାଉଥିବା ବେଳେ ବିପରିତ ଦିଗରୁ ଆସୁଥିବା ଏକ ଟ୍ରକ ସେମାନଙ୍କୁ ଧକ୍କା ଦେଇ ଫେରାର ହୋଇଯାଇଥିଲା।
ଫଳରେ ଉଭୟେ ଗୁରୁତର ଆହତ ହୋଇଥିଲେ। ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଦେବଗଡ ଜିଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିବା ବେଳେ ଡାକ୍ତର ସେଠାରେ ଅଶୋକଙ୍କୁ ମୃତ ଘୋଷଣା କରିଥିଲେ ଓ ସଞ୍ଜ୍ଖଚ୍ଛ ଏବେ ମଧ୍ୟ ଜିଲା ମୂଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ଜଣାପଡିଛି। ସୂଚନା ପାଇ ଦେବଗଡ ଥାନା ପୁଲିସ ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ଜିଲା ମୂଖ୍ୟ ଚିକିତ୍ସାଳୟ ଶବାଗାରରେ ସଂରକ୍ଷିତ ରଖିଛି। ଏଥିସହ ଏନେଇ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।
