କଣ୍ଟାବାଞ୍ଜି: କଣ୍ଟାବାଞ୍ଜି ସହର ଉପକଣ୍ଠ କୁର୍ଲି ଗାଁ, ବେଲପଡା ରାସ୍ତାରେ ରାତିରେ କଲରା ପତରିଆ ବାଘ ବୁଲୁଥିବା ଖବର ପ୍ରଚାର ହୋଇଛି। ଏହାପରେ ଗାଁ ଲୋକେ ଭୟଭୀତ ହୋଇପଡ଼ିଛନ୍ତି। ବାଘ ବୁଲୁଥିବା ଭିଡିଓ ଭାଇରାଲ ହେବା ପରେ ଲୋକେ ଆତଙ୍କିତ ହୋଇ ତାଟି କବାଟ ପକାଇ ଦେଇଛନ୍ତି। ଖବର ପାଇ କଣ୍ଟାବାଞ୍ଜି ରେଞ୍ଜର ଶ୍ରଦ୍ଧାଦେବ ବଡ଼ମାଳୀଙ୍କ ନେତୃତ୍ୱରେ ଫରେଷ୍ଟର ବନ କର୍ମଚାରୀ କୁର୍ଲି ଗାଁ ନିକଟରେ ପହଞ୍ଚି ଛାନବିନ ଆରମ୍ଭ କରିଛନ୍ତି। ରାତି ସାରା ବାଘ ଖୋଜାଖୋଜି କରିଥିଲେ ବି କୌଣସି ଖବର ମିଳିନଥିଲା। ଫଳରେ ବନ ବିଭାଗ କର୍ମଚାରୀ ନିରାଶ ହୋଇ ଘରକୁ ଫେରି ଯାଇଥିବା ରେଞ୍ଜର ବଡ଼ମାଳୀ ସୂଚନା ଦେଇଛନ୍ତି। ଭାଇରାଲ ଭିଡିଓ ଓ ଗତକାଲି କୁର୍ଲି ଗାଁ ମୁଣ୍ଡରେ ବାଘ ବୁଲିବା ଘଟଣାର ପ୍ରକୃତ ସତ୍ୟାସତ୍ୟ ଉପରେ ବନବିଭାଗ ନଜର ରଖି ଅନୁସନ୍ଧାନ ଜାରି ରଖିଥିବା ବନବିଭାଗ ସୂଚନା ଦେଇଛି।
Comments are closed.