ଭୁବନେଶ୍ୱର (ସମାଜ ଡିଜିଟାଲ ଡେସ୍କ)- ପୁରୀ ବଡଦାଣ୍ଡ ମରଚିକୋଟ ଛକରେ ଥିବା ସମ୍ରାଟ ହୋଟେଲ୍ ତଥା ଲକ୍ଷ୍ମୀ ମାର୍କେଟ କମ୍ପ୍ଲେକ୍ସରେ ନିଆଁ ପ୍ରଥମ ମହଲାରୁ ଦ୍ୱିତୀୟ ମହଲାକୁ ବ୍ୟାପିଲାଣି । ଦ୍ୱିତୀୟ ମହଲାରେ ବ୍ୟାଙ୍କ ସହ ଲୁଗା ଦୋକାନ ଅଛି । ହୋଲି ଦିନ ରାତି ୮ ଟାରୁ ନିଆଁ ଲାଗିଛି ହେଲେ ୧୨ ଘଣ୍ଟା କାଳ ଆୟତ୍ତ ହୋଇ ପାରିନାହିଁ । ହୋଟେଲ୍ରେ ଥିବା ପର୍ଯ୍ୟଟକମାନଙ୍କୁ ଉଦ୍ଧାର କରାଯାଇଛି । କମ୍ପ୍ଲେକ୍ସରେ ଥିବା ଅନେକ ଦୋକାନ କ୍ଷତିଗ୍ରସ୍ତ ହୋଇଛି ।
ଅଗ୍ନିଶମ ବାହିନୀର ଯବାନମାନେ ୧୨ ଘଣ୍ଟା କାଳ ଅକ୍ଲାନ୍ତ ପରିଶ୍ରମ କରିବା ପରେ ମଧ୍ୟ ନିଆଁ ଆୟତ୍ତ ହୋଇ ପାରି ନାହିଁ । ଧୂଆଁ ଯୋଗୁଁ ଅଣନିଶ୍ୱାସୀ ହୋଇ ପଡିଥିବା ତିନିଜଣଙ୍କୁ ପୁରୀ ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଛି ।
