କଲ୍ୟାଣସିଂହପୁର -ରାୟଗଡ ଜିଲା କଲ୍ୟାଣସିଂହପୁର ବ୍ଲକ ସଦରରେ ଥିବା ଓଡିଶା ଆଦର୍ଶ ବିଦ୍ୟାଳୟ ରେ ୨୦୨୨-୨୩ ବାର୍ଷିକ ଉତ୍ସବ ଆଡମ୍ବରରେ ପାଳିତ ହୋଇଛି ।ଏଥିରେ ଓଡ଼ିଶା ଆଦର୍ଶ ବିଦ୍ୟାଳୟ ର ଅଧକ୍ଷ ସଙ୍ଗୀତ ପାଲକା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ମୁଖ୍ୟ ଅତିଥି ଭାବେ ଜିଲାପାଳ ସ୍ୱଧା ଦେବ ସିଂ ଯୋଗ ଦେଇ କାର୍ଯ୍ୟକ୍ରମକୁ ଉଦଘାଟନ କରିଛନ୍ତି ।
ମୁଖ୍ୟବକ୍ତା ଭାବେ କୋଲନରା ବ୍ଲକରେ ଥିବା ଆଦର୍ଶ ବିଦ୍ୟାଳୟ ର ଅଧ୍ୟକ୍ଷ ମୁରାରୀ ପ୍ରସାଦ ସାହୁ ରହିଥିବା ବେଳେ ତହସିଲଦାର ସୁଧାକର ରଇତ ଓ ସହକାରୀ ଯନ୍ତ୍ରୀ ସବ୍ୟସାଚୀ ନାୟକ ସଂମ୍ମାନୀୟ ଅତିଥି ଭାବେ ମଞ୍ଚାସୀନ ରହିଥିଲେ।ଖେଳର ଉପକାରୀତା ,ଶିକ୍ଷା ସହ ଶାରୀରିକ ଶିକ୍ଷାର ଆବଶ୍ୟକତା ବିଷୟରେ ଅତିଥିମାନେ ମତ ଦେଇଥିଲେ । ଆଦର୍ଶ ବିଦ୍ୟାଳୟ ର ଛାତ୍ର ଛାତ୍ରୀ ମାନଙ୍କ ଦ୍ଵାରା ବିଭିନ୍ନ ଖାଦ୍ୟପେୟ ର ମେଳା ପଦର୍ଶନୀ କରିଥିଲେ । ଏହି ମେଳାକୁ ଅତିଥିମାନେ ପରିଦର୍ଶନ କରି ଏହାର ଉପକାରୀତା ବିଷୟରେ ପଚାରି ବୁଝିଥିଲେ ।ଦୁଇଦିନ ଧରି ଛାତ୍ର ଛାତ୍ରୀ ମାନଙ୍କୁ ନେଇ ବିଭିନ୍ନ ପ୍ରତିଯୋଗିତା କରିଥିଲେ ।ଏଥିରେ ୧୨୪ ଜଣ କୃତି ଛାତ୍ର ଛାତ୍ରୀ ମାନଙ୍କୁ ଅତିଥୀଙ୍କ ଦ୍ୱାରା ପୁରସ୍କାର ପ୍ରଦାନକରାଯାଇଛି ।
ଏହାକୁ ଅଧ୍ୟାପକ ଆଲୋକ ପଟ୍ଟନାୟକ ଓ ଅଜିତ ମୁନି ମଞ୍ଚ ପରିଚାଳନା କରିଥିବା ବେଳେ ବାର୍ଷିକ ବିବରଣୀ ପଠନ ଅଧ୍ୟକ୍ଷ ସଙ୍ଗୀତ ପାଲକା ଓ ଅଧ୍ୟାପିକା ଅପର୍ଣ୍ଣା ଦେ ଧନ୍ୟବାଦ ଦେଇଥିଲେ । ବିଦ୍ୟାଳୟ ର ଅଧ୍ୟାପକ , ଅଧ୍ୟାପିକା ଓ ସମସ୍ତ କର୍ମଚାରୀ ପ୍ରମୁଖ ଉପସ୍ଥିତ ରହି ସମ୍ପୂର୍ଣ୍ଣ ସହଯୋଗ କରିଥିଲେ । ଛାତ୍ର ଛାତ୍ରୀ ଙ୍କୁ ନେଇ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟ କ୍ରମ କରାଯାଇଛି ।
