ବ୍ରହ୍ମପୁର: ଖଲିକୋଟ ଥାନା ବି.ନୂଆସାହିର କ୍ବାକଙ୍କୁ ହତ୍ୟା କରି ପୋତିବା ଘଟଣାର ପର୍ଦ୍ଦାଫାଶ ହୋଇଛି। ଖଲିକୋଟ ଥାନା ପୁଲିସ ଏହି ଘଟଣାର ତଦନ୍ତ ପରେ ଅଭିଯୁକ୍ତମାନଙ୍କ ସମ୍ପର୍କରେ ସୂଚନା ଦେଇଛି। ବି.ନୂଆସାହିର କ୍ବାକଙ୍କୁ ହତ୍ୟା କରି ପୋତିବା ଘଟଣାରେ ୨ଜଣ ନାବାଳକଙ୍କ ସହ ୬ଜଣ ସମ୍ପୃକ୍ତ ଥିବା ପୁଲିସ ସୂଚନା ଦେଇଛି। ବି.ନୂଆସାହିର କ୍ବାକଙ୍କୁ ହତ୍ୟା କରି ପୋତିବା ଘଟଣାରେ ସମ୍ପୃକ୍ତ ୨ ନାବାଳଙ୍କ ସହ ୬ଜଣଙ୍କୁ ଗିରଫ କରିଛି ଖଲିକୋଟ ଥାନା ପୁଲିସ। ମାତ୍ର ୬ଶହ ଟଙ୍କା ପାଇଁ କ୍ବାକଙ୍କୁ ହତ୍ୟା କରାଯାଇଥିଲା ପୁଲିସ ପକ୍ଷରୁ ସୂଚନା ଦିଆଯାଇଛି। ପୁଲିସ ପକ୍ଷରୁ କୁହାଯାଇଛି ଯେ ଅଭିଯୁକ୍ତମାନଙ୍କୁ କ୍ବାକଜଣକ ୬ଶହ ଟଙ୍କାର ମେଡ଼ିସିନ ଦେଇଥିଲା। ୬ଶହ ଟଙ୍କାର ମେଡ଼ିସିନ ଦେଇ ସେମାନଙ୍କୁ ଟଙ୍କା ମାଗିବାରୁ ସେମାନେ କ୍ବାକଙ୍କୁ ହତ୍ୟା କରିଥିଲେ। ଅଭିଯୁକ୍ତମାନେ କ୍ବାକଙ୍କୁ ହତ୍ୟା କରିବାପରେ ମୃତଦେହକୁ ବିଲରେ ପୋତିବାକୁ ନେଇଥିଲେ। ମୃତଦେହ ବିଲରେ ପୋତିବାବେଳେ ସ୍ଥାନୀୟ ଲୋକେ ଦେଖିଦେବାରୁ ଅଭିଯୁକ୍ତମାନେ ଘଟଣାସ୍ଥଳରୁ ଚମ୍ପଟ ମାରିଥିଲେ।
Comments are closed.