କାମାକ୍ଷାନଗର : କାମାକ୍ଷାନଗର ପୂର୍ବାଞ୍ଚଳ ବନବିଭାଗକୁ ବଡ ସଫଳତା ମିଳିଛି । ଗୋଟିଏ ବନ୍ଧୁକ ଓ ଧନୁତୀର ସହ ୫ ଶିକାରୀ ଗିରଫ ହୋଇଛନ୍ତି । ବିଶେଷ ସୂତ୍ରରୁ ଖବର ପାଇ ପୁର୍ବାଞ୍ଚଳ ରେଞ୍ଜ ଏକୁଲ ଗ୍ରାମରୁ ବନବିଭାଗ ୫ ଜଣ ଜନ୍ତୁ ଶିକାରୀକୁ ଗିରଫ କରିଛି । ଗିରଫ ଶିକାରୀ ମାନେ ହେଲେ ସେହି ଗ୍ରାମର ଭିମସେନ ଦେହୁରୀ, ବିମ୍ବାଧର ଦେହୁରୀ ,ଲୋଚନ ଦେହୁରୀ, ନର ଦେହୁରୀ ଓ ନିରଞ୍ଜନ ଦୈହୁରୀ । ଏମାନେ ବିଭିନ୍ନ ସମୟରେ ଜନ୍ତୁ ଶିକାର କରୁଥିବାର ଅଭିଯୋଗ ହେଇଆସୁଥିଲା । ବନବିଭାଗ ବିଶେଷ ସୃତ୍ରରୁ ଖବର ପାଇ ଆଜି ଗ୍ରାମରୁ ସମସ୍ତ ୫ ଜଣକୁ ଗିରଫ କରିବା ସହ ଶିକାରରେ ବ୍ୟବହାର କରୁଥିବା ଗୋଟିଏ ଦେଶୀ ବନ୍ଧୁକ, ଦୁଇଟି ଧନୁ ଓ ତୀର ସହ ଗୋଟିଏ ସମ୍ବର ଶିଙ୍ଗ ଜବତ କରିଛି । ଆଜି ଡାକ୍ତରୀ ପରିକ୍ଷା ସରିଯାଇଛି । ଆସନ୍ତା କାଲି ତାଙ୍କୁ ଜେଲ ହାଜତକୁ ପଠାଇବା ସୁଚନା ଦେଇଛି ବନବିଭାଗ ।
Comments are closed.