ଜାକର୍ତ୍ତା : ଇଣ୍ଡୋନେସିଆର ବାଲି ଦ୍ବୀପରେ ଆରମ୍ଭ ହେବାକୁ ଯାଉଥିବା ଜି-୨୦ ସମ୍ମିଳନୀରେ ଯୋଗ ଦେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ସନ୍ଧ୍ୟାରେ ଜାକର୍ତ୍ତାରେ ପହଞ୍ଚିଛନ୍ତି । ନଭେମ୍ବର ୧୫ ଓ ୧୬ ଦୁଇଦିନ ଧରି ୧୭ତମ ଜି-୨୦ ସମ୍ମିଳନୀ ଅନୁଷ୍ଠିତ ହେବ । ଏହି ସମ୍ମିଳନୀରେ ବିଶ୍ବ ଆର୍ଥିକ ବିକାଶ, ଖାଦ୍ୟ ଓ ଶକ୍ତି ସୁରକ୍ଷା, ପରିବେଶ, ସ୍ବାସ୍ଥ୍ୟ, ଡିଜିଟାଲ ଟ୍ରାଞ୍ଜାକସନ୍ ଭଳି ପ୍ରସଙ୍ଗରେ ଆଲୋଚନା ହେବ। ଏହି ସମ୍ମିଳନୀରେ ଅବସରରେ ମୋଦୀ ବିଭିନ୍ନ ରାଷ୍ଟ୍ରନେତାଙ୍କ ସହିତ ଦ୍ବିପାକ୍ଷିକ କଥାବାର୍ତ୍ତା କରିବାର କାର୍ଯ୍ୟକ୍ରମ ରହିଛି । ଭାରତ ବ୍ୟତୀତ ଆମେରିକା, ବ୍ରିଟେନ, ରୁଷ୍, ଜର୍ମାନୀ, ଆର୍ଜେଣ୍ଟିନା, ଅଷ୍ଟ୍ରେଲିଆ, ବ୍ରାଜିଲ, କାନାଡା, ଚୀନ, ଫ୍ରାନ୍ସ ପ୍ରମୁଖ ଜି-୨୦ ରାଷ୍ଟ୍ର ଗୋଷ୍ଠୀର ସଦସ୍ୟ ଅଛନ୍ତି । ଡିସେମ୍ବର ୧ରୁ ଭାରତ ଜି-୨୦ ରାଷ୍ଟ୍ରର ଅଧ୍ୟକ୍ଷତା ଭାର ନେବ।
Popular Categories
Previous article
Next article