ଚୌଦ୍ୱାର : ସରକାରଙ୍କ ଜାଗା ମିଶନ୍ ଜରିଆରେ ସାରାଞ୍ଚଳର ବସ୍ତି ଗୁଡ଼ିକୁ ବିଜୁ ଆଦର୍ଶ କଲୋନୀରେ ରୂପାନ୍ତରିକରଣ ଅଭିଯାନକୁ ମୁଖ୍ୟମନ୍ତ୍ରୀ ଗୁରୁବାର ଦିନ ଶୁଭାରମ୍ଭ କରିଛନ୍ତି । ଏହି ଅଭିଯାନର କାର୍ଯ୍ୟକାରିତା, ଲକ୍ଷ୍ୟ ତଥା ନିୟମ ଗୁଡ଼ିକ ସମ୍ପର୍କରେ ବସ୍ତି ବାସିନ୍ଦା ମାନଙ୍କୁ ସଚେତନ କରିବା ଦିଗରେ ମୁଖ୍ୟମନ୍ତ୍ରୀଙ୍କ ଭର୍ଚୁଆଲ ଉଦ୍ବୋଧନକୁ ଚୌଦ୍ୱାରରେ ପ୍ରଦର୍ଶିତ କରାଯାଇଥିଲା । ପୌର ଟାଉନ୍ହଲରେ ଏହି ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ବହୁ ସଂଖ୍ୟାରେ ବସ୍ତି ବାସିନ୍ଦା ଯୋଗଦେଇ ଥିଲେ। ପୌରାଧ୍ୟକ୍ଷା ମାନସୀ ସ୍ୱର୍ଣ୍ଣପ୍ରଭା ସାମଲ, ଉପାଧ୍ୟକ୍ଷ ଶୁଭେନ୍ଦୁ ସାମଲ, ପୌର ନିର୍ବାହୀ ଅଧିକାରୀ ସଂଜୀବ କୁମାର ମାହପାତ୍ର, ନଗର ବିଜେଡ଼ି ସଭାପତି ବିଷ୍ଣୁ ଚରଣ ପରିଡ଼ା, ଗୋଷ୍ଠି ସଂଯୋଜିକା ବାସନ୍ତୀ ସାହୁ, ସମସ୍ତ ପୌର କାଉନ୍ସିଲର ତଥା ପୌର କର୍ମଚାରୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ। ଚୌଦ୍ୱାରରେ ଥିବା ମୋଟ ୧୧ଟି ବସ୍ତି ମଧ୍ୟରୁ ପ୍ରଥମ ପର୍ଯ୍ୟାୟରେ କେଦାରେଶ୍ୱର, ଜଗନ୍ନାଥପଡ଼ା, ଲେବର ଟେନାମେଣ୍ଟ କଲୋନୀ, ବିରାଟବଜାର ନିକଟ ଚର୍ଚ୍ଚଗଳି କଲୋନୀ ଆଦି ୪ଟି ବସ୍ତି ଏହି ରୂପାନ୍ତରିକରଣ ଯୋଜନାରେ ସାମିଲ ହୋଇଥିବା ପୌରାଧ୍ୟକ୍ଷା ଓ ଉପାଧ୍ୟକ୍ଷ ଘୋଷଣା କରିବା ସହିତ ପର୍ଯ୍ୟାୟକ୍ରମେ ଅନ୍ୟ ବସ୍ତି ସବୁକୁ ଏହି ଯୋଜନାରେ ଅନ୍ତର୍ଭୁକ୍ତ କରାଯିବ ବୋଲି ସୂଚନା ଦେଇଥିଲେ ।
Popular Categories
Previous article
Next article