ପାତ୍ରପୁର: ପାତ୍ରପୁର ଗ୍ରାମରେ ସ୍ଥାୟୀ ବସ୍ ଷ୍ଟାଣ୍ଡଟିଏ ନଥିବାରୁ ପ୍ରତିଦିନ ବିଭିନ୍ନ ସରକାରୀ କାର୍ଯ୍ୟ ସମ୍ପାଦନ ପାଇଁ ଆସୁଥିବା ବହୁ ଲୋକ କାର୍ଯ୍ୟାଳୟ ଆଦିକୁ ଆସିବା ପାଇଁ ପ୍ରାୟ ଏକ କିଲୋମିଟରରୁ ଅଧିକ ରାସ୍ତା ଚାଲିକି ଆସିଥାନ୍ତି । ସ୍ଥାୟୀ ବସଷ୍ଟାଣ୍ଡ ନିର୍ମାଣ ପାଇଁ ଦୀର୍ଘ ବର୍ଷ ହେବ ଟଙ୍କା ପଡି ରହିଥିଲେ ମଧ୍ୟ ଆବଶ୍ୟକ ଜାଗା ନଥିବାରୁ ଏହା ହୋଇପାରି ନାହିଁ । ଆଜି ନୂତନ ବସଷ୍ଟାଣ୍ଡ ନିର୍ମାଣ କାର୍ଯ୍ୟର ଜାଗା ସର୍ଭେ କରିବା ପାଇଁ ବ୍ରହ୍ମପୁର ଉପଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଡେପୁଟି କଲେକ୍ଟର ଶୁଭଶ୍ରୀ ରଥ ପାତ୍ରପୁରରେ ପହଞ୍ଚି ବାଇପାସ ରୋଡ ନିକଟରେ ଥିବା ଜାଗାକୁ ବୁଲି ତହସିଲ ରେକର୍ଡ ଦେଖିଥିଲେ । ତହସିଲଦାର ଅମିତ ନାୟକ କେତେ ପରିମାଣର ଜାଗା ଅଛି ତାହା ମ୍ୟାପ ବାହାର କରି ଦେଖାଇଥିଲେ । ନିୟମିତ ବିଭିନ୍ନ କାର୍ଯ୍ୟ ସମ୍ପାଦନ ପାଇଁ କାର୍ଯ୍ୟାଳୟକୁ ଆସୁଥିବା ଲୋକମାନେ ସ୍ଥାୟୀ ବସଷ୍ଟାଣ୍ଡ ନିର୍ମାଣ ହେଲେ ପଥ କଷ୍ଟରୁ ମୁକୁଳି ପାରିବେ । ଦୀର୍ଘଦିନ ଧରି ଏହି ସ୍ଥାନକୁ ବସ୍ ଆସିବା ବନ୍ଦ ରହିଛି। କିଭଳି ବସ୍ ଷ୍ଟାଣ୍ଡ ତୁରନ୍ତ ହୋଇପାରିବ ସେଥିପାଇଁ କାର୍ଯ୍ୟ କରିବାକୁ ଅଞ୍ଚଳରେ ଦାବୀ ହେଉଛି।
Comments are closed.