ଉମ ଅଲ ହସମ – ବର୍ତ୍ତମାନ ସମୟରେ କ୍ୟାନ୍ସରରୋଗ ଏକ ବିଶ୍ୱବ୍ୟାପୀ ଚିନ୍ତାର କାରଣ ହୋଇଛି । ବ୍ୟୟ ବହୁଳ ଚିକିତ୍ସା ବ୍ୟବସ୍ଥା ଓ ଚିକିତ୍ସା ଭିତ୍ତିକ ଫଳାଫଳହିଁ ସମସ୍ତ ଆତଙ୍କର କାରଣ ଅଟେ । ଏହି କାରଣରୁ ଏ ରୋଗରେ ପୀଡିତ ନହେବା ପାଇଁ ଜନ ସଚେତନତାର ଆବଶ୍ୟକତା ରହିଛି ଓ ଏହି ସଚେତନତା ସମ୍ବନ୍ଧୀୟ ବହୁ କାର୍ୟ୍ୟକ୍ରମ ବିଶ୍ଵବ୍ୟାପୀ ଜାରି ରହିଛି ।
ଏହି ପରିପ୍ରେକ୍ଷୀରେ ଗତ ୨୮.୧୦.୨୦୨୨ ରିଖ, ଶୁକ୍ରବାର ଦିନ ବାହାରିନି ଓଡ଼ିଆ ସମାଜ (BOS) ଆନୁକୂଲ୍ୟରେ ଏକ କ୍ୟାନ୍ସର ସଚେତନତା ଶିବିର ଉମ ଅଲ ହସମର କିମ୍ସ ହସ୍ପିଟାଲଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ କ୍ୟାନ୍ସର ରୋଗର ଭୟାବହତା, ଏହାର ଚିକିତ୍ସା ପଦ୍ଧତି ତଥା କାରଣ ବିଷୟରେ ଆଲୋକପାତ କରାଯାଇଥିଲା । ଏହି କାର୍ୟ୍ୟକ୍ରମରେ ବିଶିଷ୍ଟ ଡାକ୍ତର ମି. ଅସୀମ୍ ଅବଦୁଲ୍ଲା ଅଂଶ ଗ୍ରହଣ କରି ତାଙ୍କର ମୂଲ୍ୟବାନ ମତ ପୋଷଣ କରିଥିଲେ ।
