ଡେସ୍କ: ଗୁଜରାଟର ଗାନ୍ଧିନଗରଠାରେ ୨୦୨୨ ପ୍ରତିରକ୍ଷା ପ୍ରଦର୍ଶନୀକୁ ଉଦ୍ଘାଟନ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ଗତ ୫ ବର୍ଷ ମଧ୍ୟରେ ଭାରତର ପ୍ରତିରକ୍ଷା ରପ୍ତାନୀ ୮ ଗୁଣା ବୃଦ୍ଧି ପାଇଛି। ସେ କହିଛନ୍ତି, ଦେଶ ପ୍ରତିରକ୍ଷା କ୍ଷେତ୍ରରେ ଅଗ୍ରସର ହେଉଛି। ଭାରତର ଇଚ୍ଛାଶକ୍ତି ଯୋଗୁଁ ମେକ୍ ଇନ ଇଣ୍ଡିଆ ସଫଳ ହୋଇଛି ଓ ପ୍ରତିରକ୍ଷା କ୍ଷେତ୍ରରେ ରପ୍ତାନୀ ବୃଦ୍ଧି ପାଇଛି। ସେ କହିଛନ୍ତି, ଭାରତ ୭୫ରୁ ଅଧିକ ଦେଶକୁ ପ୍ରତିରକ୍ଷା ସାମଗ୍ରୀ ଓ ଯନ୍ତ୍ରପାତି ରପ୍ତାନୀ କରୁଛି। ସେ କହିଛନ୍ତି ୨୦୨୧-୨୨ରେ ପ୍ରତିରକ୍ଷା ରପ୍ତାନୀ ୧୫୯ କୋଟି ଡଲାରରେ ପହଞ୍ଚିଛି।
୨୦୨୨ ପ୍ରତିରକ୍ଷା ପ୍ରଦର୍ଶନୀରେ ପ୍ରଧାନମନ୍ତ୍ରୀ ଦେଶୀୟ ଜ୍ଞାନକୌଶଳରେ ନିର୍ମିତ ଟ୍ରେନର ଏୟାରକ୍ରାଫ୍ଟ ଏଚଟିଟି-୪୦କୁ ଉନ୍ମୋଚନ କରିଛନ୍ତି। ଏହା ହିନ୍ଦୁସ୍ଥାନ ଏରୋନଟିକ୍ସ ଲିମିଟେଡ୍ ଦ୍ୱାରା ଏହାର ନିର୍ମାଣ କରାଯାଇଛି।
