ଧାମରା: ଧାମରାରେ ଏକ ମାଛ ଧରା ବୋଟରୁ ଖସି ଜଣେ ମତ୍ସ୍ୟଜୀବୀ ନିଖୋଜ ହୋଇଥିବା ଜଣାଯାଇଛି। ଗତକାଲି ବିଳମ୍ବିତ ରାତିରେ ବାଲେଶ୍ୱର ବଳରାମ ଗଡ଼଼ିର ତାପସ ଦାସଙ୍କ ମାଛ ଧରା ବୋଟଟି ମାଛ ମାରିବା ଉଦ୍ଦେଶ୍ୟରେ ଆସି ସନ୍ଧ୍ୟା ସମୟରେ ଧାମରା ମତ୍ସ୍ୟ ପୋତାଶ୍ରୟ ନିକଟରେ ଲରଙ୍ଗ କରିଥିଲା। ଏହି ବୋଟରେ ଥିବା ସମସ୍ତ ମତ୍ସ୍ୟଜୀବୀ ରାତ୍ରିଭୋଜନ କରି ବୋଟରେ ଶୋଇଥିଲେ। ବିଳମ୍ବିତ ରାତିରେ ଏହି ବୋଟରେ କାର୍ଯ୍ୟରତ ମତ୍ସ୍ୟଜୀବୀ ଇନ୍ଦ୍ର ମଳିକ(୪୦) ଶୌଚ ହେବା ପାଇଁ ଉଠିଥିଲେ, ମାତ୍ର ସେ ଆଉ ନିଜ ଶୋଇବା ସ୍ଥାନକୁ ଯାଇ ନଥିବା ବେଳେ ଦୀର୍ଘ ୧ଘଣ୍ଟା ପରେ ଅନ୍ୟ ମତ୍ସ୍ୟଜୀବୀମାନେ ଇନ୍ଦ୍ର ମଳିକକୁ ବୋଟ ମଧ୍ୟରେ ଖୋଜାଖୋଜି କରିବା ସହ ନଦୀ ମଧ୍ୟରେ ମଧ୍ୟ ଖୋଜାଖୋଜି କରିଥିଲେ। ହେଲେ ସେ ସଂପୃକ୍ତ ମତ୍ସ୍ୟଜୀବୀଙ୍କର କୌଣସି ଖବର ମିଳି ନଥିଲା। ଏନେଇ ବୋଟରେ ଥିବା ମତ୍ସ୍ୟଜୀବୀମାନେ ଧାମରା ସାମୁଦ୍ରିକ ଥାନାରେ ଏକ ଲିଖିତ ଅଭିଯୋଗ ଦେଇଥିଲେ। ମାତ୍ର ସଂପୃକ୍ତ ବ୍ୟକ୍ତିଙ୍କର କୌଣସି ଖବର ପାଇ ନଥିଲେ। ସେହି ବୋଟରେ କାର୍ଯ୍ୟରତ ଅନ୍ୟ ମତ୍ସ୍ୟଜୀବୀଙ୍କ କହିବାନୁଯାୟୀ ସଂପୃକ୍ତ ମତ୍ସ୍ୟଜୀବୀଙ୍କ ମୁଣ୍ଡ ଦୋଷ ଥିଲା ତେଣୁ ସେ କେଉଁଠିକି ଯାଇ ଥାଇପାରନ୍ତି ବୋଲି ମତ ପ୍ରକାଶ ପାଇଥିଲେ ମଧ୍ୟ ଖବର ଲେଖା ହେବା ପର୍ଯ୍ୟନ୍ତ ସଂପୃକ୍ତ ମତ୍ସ୍ୟଜୀବୀଙ୍କ ଖୋଜ ଖବର କିଛି ମିଳି ନଥିଲା।
Popular Categories
Previous article
Next article